1Ch 7:6-12 | KikGKY | STEP | Ariũ atatũ a Benjamini maarĩ: Bela, na Bekeri, na Jediaeli.

1 Chronicles 7:6-12

Njiaro cia Benjamini

6 ^aAriũ atatũ a Benjamini maarĩ:
Bela, na Bekeri, na Jediaeli.
7 Ariũ a Bela maarĩ:
Eziboni, na Uzi, na Uzieli, na Jerimothu, na Iri; othe maarĩ atano, na maarĩ atongoria a nyũmba ciao. Maandĩko ma njiarwa ciao moonanagia arũme a kũrũa mbaara maarĩ 22,034.
8 Ariũ a Bekeri maarĩ:
Zemira, na Joashu, na Eliezeri, na Elioenai, na Omuri, na Jeremothu, na Abija, na Anathothu, na Alemethu. Acio othe maarĩ ariũ a Bekeri. 9 Maandĩko ma njiarwa ciao moonanagia atongoria a nyũmba, na arũme a kũrũa mbaara 20,200.
10 Mũriũ wa Jediaeli aarĩ:
Bilihani.
Ariũ a Bilihani maarĩ:
Jeushu, na Benjamini, na Ehudu, na Kenaana, na Zethani, na Tarishishi, na Ahishaharu. 11 Ariũ acio othe a Jediaeli maarĩ atongoria a nyũmba ciao. Nĩ kwarĩ na arũme 17,200 a kũrũa mehaarĩirie gũthiĩ mbaara-inĩ.
12 Nao andũ a Shupimu na a Hupimu maarĩ a rũciaro rwa Iru, nao Ahushimu maarĩ a rũciaro rwa Aheri.