Psalms 113
Ngai Mũteithia wa Andũ arĩa Abatari
1Goocai Jehova.Mũgoocei, inyuĩ ndungata cia Jehova,
mũgooce rĩĩtwa rĩa Jehova.
2 aRĩĩtwa rĩa Jehova rĩrogoocwo,
kuuma rĩu nginya tene na tene.
3Kuuma o irathĩro rĩa riũa nginya ithũĩro rĩarĩo,
rĩĩtwa rĩa Jehova nĩrĩgoocagwo.
4 bJehova nĩatũũgĩrĩtio igũrũ rĩa ndũrĩrĩ ciothe,
riiri wake ũrĩ igũrũ rĩa igũrũ.
5 cNũũ ũhaana ta Jehova Ngai witũ,
o Ũcio ũikaragĩra gĩtĩ kĩa ũnene kũu igũrũ,
6 do ũcio ũinamagĩrĩra arorererie
maũndũ ma igũrũ o na ma thĩ?
7 eOyaga athĩĩni na igũrũ kuuma rũkũngũ-inĩ,
na agokĩria arĩa abatari, akamaruta kĩhumbu-inĩ kĩa mũhu;
8amaikaragia hamwe na anene,
o hamwe na anene a andũ ao.
9 fAtũmaga mũtumia thaata atũũre gwake mũciĩ,
agatuĩka nyina wa ciana, agakenaga.
Goocai Jehova.
Copyright information for
KikGKY