John 6:16-21
16Tango pokwa ekomaki, bayekoli na ye bakendaki na ebale. 17Bamataki na bwato mpe babandaki kokende na Kapenawumi, na ngambo mosusu ya ebale. Butu ekomaki, mpe Yesu akomaki naino te epai na bango. 18Mopepe moko ya makasi penza ebandaki kopepa, mpe mayi ya ebale etombokaki. 19Awa basilaki koluka nkayi bakilometele soki mitano to motoba, bamonaki Yesu azalaki kotambola likolo ya mayi mpe azalaki kopusana pene-pene na bwato ; kobanga ekangaki bango. 20Kasi Yesu alobaki na bango : —Bobanga te, ezali ngai ! 21Balingaki kokotisa ye na bwato, kasi kaka na tango wana, bwato ekomaki na libongo, epai bazalaki kokende.Yesu azali lipa oyo epesaka bomoi
Copyright information for
LinMNB