Luk 19:28-33 | LinMNB | STEP | Awa Yesu asilisaki koloba makambo wana, akendaki liboso na bango, mpo na kokende na Yeruzalem.

Luke 19:28-33

28 Awa Yesu asilisaki koloba makambo wana, akendaki liboso na bango, mpo na kokende na Yeruzalem.

29 Tango akomaki pene-pene na Betfaze mpe Betaniya, pembeni ya ngomba oyo babengaka : “Ngomba ya banzete ya Olive”, atindaki bayekoli mibale na kati ya bayekoli na ye 30 mpe alobaki na bango :

—Bokende na mboka oyo etalani na bino ; tango bokokota, bokomona mwana ya mpunda bakanga na singa, oyo moto ata moko naino amatela yango te ; bofungola yango, mpe boya na yango. 31 Soki moto atuni bino : “Mpo na nini bozali kofungola yango ?”, bozongisela ye : “Nkolo azali na posa na yango !”

32 Baoyo batindamaki, bakendaki mpe bakutaki makambo nyonso kaka ndenge ye ayebisaki bango.

33 Tango bazalaki kofungola mwana mpunda, bankolo na yango batunaki :

—Mpo na nini bozali kofungola mwana mpunda ?