Luk 5:12-16 | LinMNB | STEP | Tango Yesu azalaki na moko ya bavile wana, moto moko azalaki ya kotonda na maba na nzoto, azalaki mpe na vile wana. Tango amonaki Yesu, afukamaki elongi na nse mpe abondelaki ye : —Nkolo, soki olingi, okoki kokomisa ngai peto !

Luke 5:12-16

12 Tango Yesu azalaki na moko ya bavile wana, moto moko azalaki ya kotonda na maba na nzoto, azalaki mpe na vile wana. Tango amonaki Yesu, afukamaki elongi na nse mpe abondelaki ye :

—Nkolo, soki olingi, okoki kokomisa ngai peto !

13 Yesu asembolaki loboko, asimbaki ye mpe alobaki :

—Nalingi yango, koma peto ! Kaka na tango wana, maba etikaki ye ; 14 Bongo Yesu apesaki ye mitindo boye :

—Koyebisa yango na moto te, kasi kende komilakisa epai ya nganga-Nzambe, mpe pesa likabo oyo Moyize atindaki lokola okomi peto mpo yango ezala litatoli mpo na bango.

15 Basango ya Yesu ezalaki kaka kopanzana ; mpe bato mingi penza basanganaki mpo na koyoka ye mpe mpo babika na bamaladi na bango. 16 Kasi Yesu azalaki kokende na bisika ya ye moko kaka mpe azalaki kobondela.

Luke 5:12-16

Yesu abikisi moto akufa makolo

(Mt. 9.1-8 ; Mk. 2.1-12)