Mar 15:1-5 | LinMNB | STEP | Na tongo, bakonzi ya banganga-Nzambe, elongo na bankolo, balakisi ya Mibeko, mpe bato nyonso ya likita monene ya Bayuda, basanganaki mpo na kokata likambo. Bongo bakangaki Yesu na basinga, bamemaki ye mpe bapesaki ye na maboko ya Pilato.

Mark 15:1-5

Yesu asambi liboso ya Pilato

(Mt. 27.11-26 ; Lk. 23.1-5,13-25 ; Jn. 18.28-40 ; 19.4-16)

1 Na tongo, bakonzi ya banganga-Nzambe, elongo na bankolo, balakisi ya Mibeko, mpe bato nyonso ya likita monene ya Bayuda, basanganaki mpo na kokata likambo. Bongo bakangaki Yesu na basinga, bamemaki ye mpe bapesaki ye na maboko ya Pilato. 2 Pilato atunaki ye :

—Ozali mokonzi ya Bayuda ?

Yesu azongisaki :

—Ee, ezali bongo ndenge olobi. 3 Bakonzi ya banganga-Nzambe bazalaki kofunda ye na makambo ebele. 4 Bongo Pilato atunaki ye lisusu :

—Boni, okozongisa eloko moko te ? Yoka ebele ya makambo oyo bazali kofundela yo ! 5 Kasi Yesu azongisaki lisusu ata eloko moko te ; bongo Pilato akamwaki mingi penza.