Mat 11:2-7 | LinMNB | STEP | Tango Jean Batiste azalaki na boloko, ayokaki sango ya misala oyo Kristo azalaki kosala ; bongo atindaki bayekoli na ye mpo batuna Yesu :

Matthew 11:2-7

2 Tango Jean Batiste azalaki na boloko, ayokaki sango ya misala oyo Kristo azalaki kosala ; bongo atindaki bayekoli na ye mpo batuna Yesu :

3 —Boni, ozali moto oyo asengeli koya, to esengeli tozela mosusu ?

4 Yesu azongiselaki bango :

—Bozonga mpe boyebisa Jean makambo nyonso oyo boyoki mpe bomoni : 5 bato bakufa miso bazali komona, bato bakufa makolo bazali kotambola, bato ya maba bazali kopetolama, bato bayokaka te bazali koyoka, mpe bato bakufa bazali kosekwa, mpe Sango Malamu ezali kosakolama na babola. 6 Esengo na moto oyo akokweyisa kondima na ye te mpo na ngai.

7 Tngo bayekoli ya Jean bakendaki, Yesu abandaki koloba na ebele ya bato mpo na Jean :

—Eloko nini bokendaki kotala na esobe ? Mwa nzete oyo mopepe ezalaki koningisa bipai na bipai ?