Mat 27:32-37 | LinMNB | STEP | Tango babimaki na vile, bakutanaki na moto moko ya mboka Sirene, kombo na ye Simon, mpe batindaki ye na makasi amema ekulusu ya Yesu.

Matthew 27:32-37

32 Tango babimaki na vile, bakutanaki na moto moko ya mboka Sirene, kombo na ye Simon, mpe batindaki ye na makasi amema ekulusu ya Yesu. 33 Bakomaki na esika moko babengaka Golgota (elingi koloba : “Esikaya mokuwa ya motu”). 34 Mpe kuna, bapesaki Yesu vino oyo basangisa na makasa ya bololo. Kasi tango amekaki, aboyaki komela yango. 35 Tango basilisaki kobaka Yesu na ekulusu, bakabolaki bilamba naye sima ya kobetela yango zeke. 36 Bongo bavandaki wana mpo na kokengela ye. 37 Babambaki na ekulusu, na likolo na motu na ye, mwa libaya mokompo na kolakisa tina oyo babomelaki ye ; bakomaki boye : “Oyo Yesu, mokonzi ya Bayuda !”