Matthew 4:1-6
Bameki Yesu
(Mk. 1.12-13 ; Lk. 4.1-13)
1Bongo Molimo amemaki Yesu na esobe mpo zabolo ameka ye. 2Sima ya koboya kolia bilei mpo na mabondeli mikolo ntuku minei : moi mpe butu, Yesu ayokaki nzala. 3Momeki ayaki epai na ye mpe alobaki : —Soki ozali Mwana ya Nzambe, loba na mabanga oyo ebongwana mampa ! 4Kasi Yesu azongisaki : —Ekomama : Moto akozala na bomoi kaka mpo na limpa te,kasi mpe mpo na maloba nyonso oyo ebimaka na monoko ya Nzambe !
5Bongo Zabolo amemaki ye na vile ya bosantu, atiaki ye na esika oyo eleki likolo, oyo ya Ndako ya Nzambe, 6mpe alobaki na ye : —Soki ozali Mwana ya Nzambe, mibwaka na nse. Pamba te ekomama : Akotinda baanzelu na ye mpo na yo.
Bakomema yo na maboko na bango,
mpo ete lokolo na yo etuta libanga te !
Copyright information for
LinMNB