Psa 125 | LinMNB | STEP | Nzembo ya mobembo tango bazalaki na nzela mpo na kokende na ndako na Yawe. Baoyo batiaka mitema na Yawe bazali lokola ngomba ya Siona, eninganaka te ekotikala libela na libela.

Psalms 125

Kimia ya solo

Nzembo ya mobembo tango bazalaki na nzela mpo na kokende na ndako na Yawe.

1 Baoyo batiaka mitema na Yawe
bazali lokola ngomba ya Siona, eninganaka te
ekotikala libela na libela.

2 Lokola bangomba ezinga Yeruzalem,
ndenge moko mpe Yawe azingi bato na ye,
banda sikʼoyo kino libela na libela.

3 Nzete ya bokonzi ya bato ya mabe ekovanda te
na mabele ebongisami mpo na bato na sembo ;
mpo ete bato na sembo bakosalela maboko na bango te
na kosala mabe.

4 Sala malamu, Yawe, epai ya baoyo basalaka malamu,
epai ya baoyo bazali alima na mitema.

5 Kasi baoyo babalukaka
mpo na kolanda banzela etengama,
Yawe akobebisa bango elongo na basali ya mabe.
Kimia ezala likolo ya Isayele !