Rev 10 | MCQ | STEP | Na ka'eme 'ona oji'ina pina harusima'ura akúpa 'ahi rene ariha rouma kavuta. Hu 'imiti ateha puna'i apúsarame 'ee huni húmata 'ahi anuaka namana. 'Ene huni niura vea sa'ina 'ee huni mumorijaho vena uru'urua sa'ina.

Revelation of John 10

Ona'oji'ina 'Ee Puka Ma'u'uijina

1 Na ka'eme 'ona oji'ina pina harusima'ura akúpa 'ahi rene ariha rouma kavuta. Hu 'imiti ateha puna'i apúsarame 'ee huni húmata 'ahi anuaka namana. 'Ene huni niura vea sa'ina 'ee huni mumorijaho vena uru'urua sa'ina. 2 'E'eme puka ma'u'ua rasavi'inijaho huni ija tahi namana. 'Ejumakavi'i huni mumora mana'inijaho sohi 'ahi pimu'i vo ana'inijaho mwea 'ahi pimuana. 3 'Eji'i niho'o ira ajira raioni puna'i 'umenana. Hu 'ume'eme akúpa iropu no'o taratarai mahajaho ijihuni eha venana. 4 Akúpa iropu no'o taratarai vajavi'i 'wara'eme na asura ve'i ve'eme ira akúpi 'ahi rene ika'ina 'warimana. Vu'a iropu no'o ka'ene taratarai vajamuni vajiji 'waramujaho ku'amana kaivo asura pave'amana 'wimana. 5 Ona'oji'ina ka'ene na ka'eme soha 'ahi pimu namine 'ee mwe'a 'ahi pimu naminujaho ija mana'inijaho akúpa 'ahi ahasirimana. 6 Godi majama hiji'ina ka'ene akúpa vene uneunecha mapoka ijihuni toi navuji vene 'ee mwe'a vene uneunecha mapoka ijihuni toi navuji vene soha vene uneunecha mapoka ka'ene ijihuni vaji navuji venajara na ki'eju'e 'waravura'omo raka ka'ene rehunijaho 'aha jora pare'eje rehuna. 7 'Enakaivo Godoni 'ona oji'ina iropu no'o ka'ene túchamaijara tauja hwasiro ve'eje Godoni hema pa'arehuna. 'Ejakame poropetia ka'ene Huni kaukara veji'inijihi 'warama ja'ina'e re'ena. 8 'Ene na marako ira ka'ene akúpi 'ahi hejujara kú'o ika'ina 'warimana. Va'e 'ona oji'ina ka'ene soha 'ahi pimue 'ee mwe'a 'ahi pimujihuni ija tahi puka rasavi'ina ka'ene namuji ape'amana 'wimana. 9 'Ejume na 'ona oji'ina kajihuni va'e puka ma'u'ua miha 'wavuta. Hu ijá 'wima Apene i'amana! A i'amajaho ira vwename aneura riha sa'ina re'ena vo tea vaja umupa'ena 'wimana. 10 'Ejumakame na puka ma'u'ua kajaho 'ona oji'ina huni ija 'ahi apena ijujaho ira vaja aneura riha sa'ina re'eme ijuta vo nuni tea vaja niho'o umupimana. 11 'Ejumakame pu ijá 'wiva Ea mapoka kwaa kwaa ira ani ani'ina 'ee kinia ijihipuni hahijihuna'e raka ka'ene mai'o rehunijaho nahama 'wara'amana 'wimana.