Psa 70 | MMX | STEP | Moroa, lox asepsu ia! Leeme Silok, lok tooro soso nga ia!

Psalms 70

Lisingising Ti Loklok Tooro

1 Moroa, lox asepsu ia! Leeme Silok, lok tooro soso nga ia! 2 Keke lodoxoma ekarakat na suxuna nedi di lok do dina sev amer ia; la una sak tup midi. Keke leklek atnedi dik lek mumu levenmumuat tarak, na repukus ti lainmangan. 3 Una xal xepe nedi di lok kalise ia, kusu dinaba mangan. 4 Naba lox avukat do nedi di vot parav u, dina momo la dinaklek. Naba lox avukat do nedi di tong avukat ti loklox arooro ram, dina paase amisik keretna, “Moroa i silok aleng!”

5 O Moroa, nenia na ara molos ta la arat kis banbalo de. Soso mun, una vot pasa ia. Nenu laradi loklox arooro la Leeme Silok tarak. Lox asepsu soso ia!