▼3:14In apa kupan Moses rɨmɨkɨr ərhav nəmə Isrel ye kwermɨ nəmə Ijip, mərɨg nəmə Isrel kɨmnhani hah Moses mɨne Kughen. Kughen rher-pən kɨn snek yamə mɨne kasəkwəpah, kɨmɨsəs əriə. Kɨni narmamə yamə mɨne kɨsarha-pən masəm nar yame ramsɨgovɨn snek, yame Moses rɨmɨruk haktə, kamhamragh. Mərɨg yamə mɨne khapəh nɨsarha-pənien mɨsəm nanmɨ snek, kamhamhə. Ǝm-ru stori ye Nam 21:4-9. Ikɨn e Yesu ramni mə snek ramuh nuhpɨkɨnien kɨn nəmhəyen kape Yesu ye nai kamarkwao kɨn. Kɨmɨruk haktə in, kɨni narmamə yamə mɨne kɨsarha-pən mɨsəm, kamhamragh.