1Ch 9:13-28 | Ndebele | STEP | labafowabo, izinhloko zendlu yaboyise, inkulungwane lamakhulu ayisikhombisa lamatshumi ayisithupha, abalamandla ngobungcwethi emsebenzini wenkonzo yendlu kaNkulunkulu.

1 Chronicles 9:13-28

13 labafowabo, izinhloko zendlu yaboyise, inkulungwane lamakhulu ayisikhombisa lamatshumi ayisithupha, abalamandla ngobungcwethi emsebenzini wenkonzo yendlu kaNkulunkulu.

14 LakumaLevi: UShemaya indodana kaHashubi indodana kaAzirikamu indodana kaHashabhiya, owamadodana kaMerari ^a, 15 loBakibakari, uHereshi, loGalali ^b, loMathaniya indodana kaMika ^c indodana kaZikiri indodana kaAsafi ^d, 16 loObhadiya ^e indodana kaShemaya ^f indodana kaGalali indodana kaJeduthuni ^g, loBerekiya indodana kaAsa indodana kaElkana owahlala emizini yamaNetofa ^h. 17 Labagcini bamasango oShaluma loAkubi loTalimoni loAhimani; lomfowabo uShaluma wayeyinhloko ⁱ; 18 njalo kuze kube yilesisikhathi, babesesangweni lenkosi ngempumalanga, laba babengabagcini bamasango enkambeni yabantwana bakoLevi ^j. 19 UShaluma indodana kaKore indodana kaEbiyasafi indodana kaKora, labafowabo, abendlu kayise ^k, amaKora, basebephatha umsebenzi wenkonzo, abalindi beminyango yethente; laboyise baphatha ibandla leNkosi, abalindi bentuba ^l. 20 UPhinehasi indodana kaEleyazare wayengumbusi phezu kwabo ngaphambili; iNkosi yayilaye ^m. 21 UZekhariya indodana kaMeshelemiya wayengumgcinisango emnyango wethente lenhlangano ⁿ. 22 Bonke labo abakhethwayo babangabagcinimasango emibundwini, babengamakhulu amabili letshumi lambili ^o; babhalwa ngezizukulwana zabo emizini yabo; oDavida loSamuweli ^p umboni ababamisa esikhundleni sabo ^q. 23 Ngakho bona lamadodana abo baphatha amasango endlini yeNkosi, indlu yethente, ngemilindo. 24 Abalindi bamasango babekhona emimoyeni yomine, empumalanga, entshonalanga, enyakatho, leningizimu. 25 Labafowabo ababesemizini yabo ^r babefanele beze okwensuku eziyisikhombisa izikhathi ngezikhathi kanye labo ^s. 26 Ngoba amaLevi la, abagcini bamasango abakhulu bobane, babesesikhundleni, babephethe amakamelo bephezu kwezindlu zenotho zendlu kaNkulunkulu.

27 Njalo babehlala ebusuku bezingelezele indlu kaNkulunkulu, ngoba umlindo wawuphezu kwabo, njalo bephethe ukuvulwa kwayo, ngitsho ikuseni ngekuseni ^t. 28 Njalo abanye babo babephethe izitsha zenkonzo, ngoba ngenani bazingenisa, langenani bazikhupha.