a2 Kho 18:4
b1 Lan 23:6, 24:1
c1 Lan 23:30,31
dNani 28:3-8
eNani 28:9,10
fNani 28:11-15
gNani 28:16-29,40; Nani 29:39
hNani 18:8-24; Neh 13:10
i35:2
jEzra 7:10
kNeh 13:12
lLevi 27:30; Dute 14:28
m1 Lan 6:13
n1 Lan 6:8
oMal 3:10
p31:14; Neh 10:39
q1 Kho 15:15
r35:9; Neh 13:13
s29:12,14
t29:12,14
u29:12,14
v29:12,14
w31:10, 29:12
x31:14; Neh 10:39
yEks 40:10
z29:12,14
aa29:12,14
abJosh 21:9-19
ac1 Kho 8:59; 2 Kho 25:30; 1 Lan 16:37; Ezra 3:4; Neh 11:23, 12:47; Jer 52:34; Eks 5:13
ad1 Lan 23:24
aeLevi 25:34
af31:12-15, 28:15; Nani 1:17
ag2 Kho 18:3, 20:3

2 Chronicles 31

1Kwathi konke lokho sekuphelile, wonke amaIsrayeli atholakalayo aphuma aya emizini yakoJuda, adiliza izinsika eziyizithombe, agamulela phansi izixuku, aphosela phansi indawo eziphakemeyo lamalathi, akukhupha kuye wonke uJuda loBhenjamini lakoEfrayimi loManase, aze aqeda. Bonke abantwana bakoIsrayeli basebebuyela, ngulowo lalowo emfuyweni yakhe, emizini yabo a.

UHezekhiya wondla abapristi lamaLevi

2UHezekhiya wasemisa izigaba zabapristi lamaLevi ngokwezigaba zabo, ngulowo lalowo ngokomsebenzi wakhe b, abapristi lamaLevi emnikelweni wokutshiswa leminikelweni yokuthula, ukukhonza lokubonga lokudumisa emasangweni ezinkamba zeNkosi c. 3Lesabelo senkosi esivela emfuyweni yayo seminikelo yokutshiswa, seminikelo yokutshiswa yekuseni leyantambama d, leminikelo yokutshiswa yamasabatha e, leyekuthwaseni kwezinyanga f, leyemikhosi emisiweyo, njengokubhaliweyo emlayweni kaJehova g. 4Wasesithi ebantwini, kubahlali beJerusalema, banike isabelo sabapristi lamaLevi h, ukuze baqiniswe i emlayweni weNkosi j.

5Lekusatshalalisweni kwelizwi abantwana bakoIsrayeli bengeza izithelo zokuqala zamabele, iwayini elitsha, lamafutha, loluju, lakuzo zonke izithelo zensimu; lokwetshumi kwakho konke bakuletha ngobunengi k. 6Abantwana bakoIsrayeli loJuda ababehlala emizini yakoJuda labo basebeletha okwetshumi kwenkomo lokwezimvu lokwetshumi kwezinto ezingcwele ezazehlukaniselwe iNkosi uNkulunkulu wabo, babeka izinqumbinqumbi l. 7Ngenyanga yesithathu baqalisa ukubeka isisekelo sezinqumbi, langenyanga yesikhombisa baqeda. 8UHezekhiya leziphathamandla sebefika bebona izinqumbi, bayibusisa iNkosi labantu bayo uIsrayeli. 9UHezekhiya wasebuza abapristi lamaLevi ngalezinqumbi. 10UAzariya umpristi oyinhloko m yendlu kaZadoki n wakhuluma laye wathi: Kusukela ekuqaleni kokulethwa kweminikelo endlini yeNkosi, kwakulokokudla lokokusutha lokokutshiya okunenginengi; ngoba iNkosi ibabusisile abantu bayo kuze kusale lokhu okunengi o.

11UHezekhiya wasesithi kulungiswe amakamelo endlini yeNkosi; basebewalungisa. 12Basebengenisa iminikelo lezingxenye zetshumi p lezinto ezingcwelisiweyo ngobuqotho q. Laphezu kwalokhu uKonaniya umLevi wayeyinduna r, loShimeyi umfowabo engowesibili s. 13LoJehiyeli loAzaziya loNahathi loAsaheli loJerimothi loJozabadi loEliyeli loIsimakhiya t loMahathi loBhenaya babengababonisi ngaphansi kwesandla sikaKonaniya u loShimeyi umfowabo v, ngomlayo kaHezekhiya inkosi loAzariya umbusi wendlu kaNkulunkulu w. 14Njalo uKore indodana kaImna umLevi, umgcini wesango ngasempumalanga, wayephezu kweminikelo yesihle kaNkulunkulu ukupha iminikelo yeNkosi x lezinto ezingcwelengcwele y. 15Langasesandleni sakhe kwakuloEdeni, loMiniyamini, loJeshuwa z, loShemaya, uAmariya, loShekaniya aa emizini yabapristi ukupha abafowabo ngokuthembeka ezigabeni zabo, njengakwabakhulu kwaba njalo kwabancane ab. 16Ngaphandle kwababalwe ngezizukulwana zabesilisa, kusukela koleminyaka emithathu kusiya phezulu, wonke ongena endlini yeNkosi, ngomsebenzi wosuku ngosuku lwawo, enkonzweni yabo, kumfanelo zabo, ngezigaba zabo ac. 17Lalabo ababalwa ngezizukulwana zabapristi ngendlu yaboyise, lamaLevi, kusukela koleminyaka engamatshumi amabili kusiya phezulu, kumfanelo zabo, ngezigaba zabo ad. 18Lekubalweni ngezizukulwana, labo bonke abancinyane babo, omkabo, lamadodana abo, lamadodakazi abo, ebandleni lonke, ngoba ekuthembekeni kwabo bazingcwelisa ngobungcwele. 19Lemadodaneni kaAroni, abapristi, emasimini amadlelo emizi yabo, kuwo wonke umuzi ngomuzi ae, amadoda ayebizwe ngamabizo, ukunika izabelo kubo bonke abesilisa phakathi kwabapristi, labo bonke ababalwe ngezizukulwana phakathi kwamaLevi af.

20Wasesenza njalo uHezekhiya kuJuda wonke; wenza okuhle lokulungileyo lokuqotho phambi kweNkosi uNkulunkulu wakhe. 21Emsebenzini wonke-ke awuqalisayo enkonzweni yendlu kaNkulunkulu, lemlayweni lemthethweni, ukudinga uNkulunkulu wakhe, wakwenza ngenhliziyo yakhe yonke, waphumelela ag.

Copyright information for Ndebele