2Sa 6:6-8, 2Ki 21:26, 1Ch 13:7-11, 2Ch 26:23 | Ndebele | STEP | Bathi befika esizeni sikaNakoni, uUza welulela isandla sakhe emtshokotshweni kaNkulunkulu, wawubamba, ngoba inkabi zakhubeka .

2 Samuel 6:6-8

6 Bathi befika esizeni sikaNakoni, uUza welulela ^aisandla sakhe emtshokotshweni kaNkulunkulu, wawubamba, ngoba inkabi zakhubeka ^b. 7 Intukuthelo yeNkosi yasimvuthela uUza; uNkulunkulu wamtshaya khonapho ngenxa yalesisiphambeko; wasefela khonapho phansi komtshokotsho kaNkulunkulu ^c. 8 UDavida wasethukuthela ngoba iNkosi imfohlele uUza ngesikhala; waseyibiza leyondawo ngokuthi yiPerezi-Uza, kuze kube lamuhla.

2 Kings 21:26

26 Wasengcwatshelwa engcwabeni lakhe esivandeni sikaUza ^d. UJosiya indodana yakhe wasesiba yinkosi esikhundleni sakhe.

1 Chronicles 13:7-11

7 Basebewuthwala umtshokotsho kaNkulunkulu ngenqola entsha bewususa endlini kaAbinadaba; njalo oUza loAhiyo babetshayela leyonqola. 8 UDavida loIsrayeli wonke babedlala-ke phambi kukaNkulunkulu ngamandla wonke, langengoma, langamachacho ^e, langezigubhu zezintambo ^f, langezingungu, langezinsimbi ezincencethayo, langezimpondo ^g.

9 Lapho befika ebaleni lokubhulela likaKidoni, uUza welula isandla sakhe ukubamba umtshokotsho, ngoba inkabi zakhubeka. 10 Ulaka lweNkosi lwaselumvuthela uUza, yamtshaya, ngenxa yokuthi welulela isandla sakhe emtshokotshweni; wasefela khonapho phambi kukaNkulunkulu ^h. 11 UDavida wasethukuthela ngoba iNkosi imfohlele ngokufohla uUza; waseyibiza leyondawo ngokuthi yiPerezi-Uza, kuze kube lamuhla.

2 Chronicles 26:23

23 U-Uziya waselala laboyise; basebemngcwaba kuboyise ensimini yokungcwaba eyayingeyamakhosi, ngoba bathi: Ungumlephero. UJothamu indodana yakhe wasesiba yinkosi esikhundleni sakhe ⁱ.