2Ki 8:17-24 | Ndebele | STEP | Wayeleminyaka engamatshumi amathathu lambili lapho esiba yinkosi, wabusa iminyaka eyisificaminwembili eJerusalema .

a 2 Lan 21:5-10

b8:26, 9:2

c 2 Sam 7:12,13; Hlab 132:11

d 2 Lan 21:7

e 3:9; 1 Kho 22:47

f 2 Sam 18:17

g Josh 10:29; 2 Lan 21:10

h 2 Lan 21:20

i 2 Lan 22:1-6

2 Kings 8:17-24

17 Wayeleminyaka engamatshumi amathathu lambili lapho esiba yinkosi, wabusa iminyaka eyisificaminwembili eJerusalema ^a. 18 Wasehamba ezindleleni zamakhosi akoIsrayeli njengokwenza kwendlu kaAhabi, ngoba indodakazi kaAhabi yayingumkakhe; wenza okubi emehlweni eNkosi ^b. 19 Kodwa iNkosi kayithandanga ukuchitha uJuda ngenxa kaDavida inceku yayo, njengokuthembisa kwayo kuye ukuthi izanika isibane kuye zonke izinsuku ^c, lemadodaneni akhe ^d.

20 Ensukwini zakhe iEdoma yahlamuka isuka phansi kwesandla sakoJuda, yabeka inkosi phezu kwayo ^e. 21 UJoramu wasewelela eZayiri lazo zonke inqola zilaye; yena wavuka ebusuku watshaya amaEdoma ayemzingelezele, lenduna zezinqola; labantu babalekela emathenteni abo ^f. 22 Ngakho iEdoma yahlamuka isuka phansi kwesandla sakoJuda kuze kube lamuhla. Khona iLibhina yahlamuka ngalesosikhathi ^g.

23 Ezinye-ke zezindaba zikaJoramu, lakho konke akwenzayo, kakubhalwanga yini egwalweni lwemilando yamakhosi akoJuda? 24 UJoramu waselala laboyise, wangcwatshelwa kuboyise emzini kaDavida ^h. UAhaziya indodana yakhe wasesiba yinkosi esikhundleni sakhe ⁱ.