1Sa 14:7, 14-15, 50, 17:55, 20:25, 26:5, 2Sa 3:6, 1Ki 2:5, 1Ch 26:28 | Ndebele | STEP | Umthwali wezikhali zakhe wasesithi kuye: Yenza konke okusenhliziyweni yakho; phambuka, khangela ngilawe njengokwenhliziyo yakho.

1 Samuel 14:7

7 Umthwali wezikhali zakhe wasesithi kuye: Yenza konke okusenhliziyweni yakho; phambuka, khangela ngilawe njengokwenhliziyo yakho.

1 Samuel 14:14-15

14 Ukutshaya kokuqala atshaya ngakho uJonathani lomthwali wezikhali zakhe kwakungaba phose ngamadoda angamatshumi amabili, ensimini elingana lengxenye yendima yesipani. 15 Kwasekusiba khona ukuthuthumela enkambeni, egangeni, laphakathi kwabantu bonke; ibutho lenqaba labachithi labo bathuthumela, lomhlaba wanyikinyeka, kwasekusiba yikuthuthumela okukhulu ^a.

1 Samuel 14:50

50 Lebizo lomkaSawuli lalinguAhinowama indodakazi kaAhimahazi; lebizo lenduna yebutho lakhe lalinguAbhineri indodana kaNeri ^b, uyise omncinyane kaSawuli ^c.

1 Samuel 17:55

55 Lapho uSawuli ebona uDavida ephuma ukuyahlangabeza umFilisti, wathi kuAbhineri induna yebutho ^d: Uyindodana kabani lumfana Abhineri ^e? UAbhineri wasesithi: Kuphila komphefumulo wakho, nkosi, kangazi ^f.

1 Samuel 20:25

25 Inkosi yasihlala esihlalweni sayo njengezikhathi ngezikhathi, esihlalweni eduze lomduli; uJonathani wasesukuma, loAbhineri wahlala eceleni kukaSawuli; kodwa indawo kaDavida yayize.

1 Samuel 26:5

5 UDavida wasesukuma wayafika endaweni lapho uSawuli amise khona inkamba; uDavida wayibona indawo lapho uSawuli alala khona, loAbhineri indodana kaNeri, induna yebutho lakhe. Njalo uSawuli wayelele enqabeni yezinqola, lesizwe sasimise amathente simhanqile ^g.

2 Samuel 3:6

Ukuvumelana kukaDavida loAbhineri

6 Kwasekusithi kuselempi phakathi kwendlu kaSawuli lendlu kaDavida, uAbhineri waziqinisa endlini kaSawuli.

1 Kings 2:5

5 Futhi-ke wena uyakwazi ukuthi uJowabi indodana kaZeruya wenzani kimi, ukuthi wenzani kuzinduna ezimbili zamabutho akoIsrayeli ^h, kuAbhineri indodana kaNeri ⁱ, lakuAmasa indodana kaJetheri, owababulala wachitha igazi lempi ekuthuleni, wafaka igazi lempi ebhantini lakhe elalisekhalweni lwakhe lemanyathelweni asenyaweni zakhe ^j.

1 Chronicles 26:28

28 Lakho konke uSamuweli umboni ayekungcwelisile ^k, loSawuli indodana kaKishi loAbhineri indodana kaNeri ^l loJowabi indodana kaZeruya ^m; konke okwakungcwelisiwe kwakungaphansi kwesandla sikaShelomithi labafowabo.