Act 3 | Ndebele | STEP | UPetro loJohane basebesenyukela bonke ethempelini ngehola lomkhuleko elesificamunwemunye * .

1 UPetro loJohane ^a basebesenyukela bonke ^b ethempelini ^c ngehola lomkhuleko ^d elesificamunwemunye* ^e. 2 Kwasekuthwalwa indoda ethile eyayiyisiqhuli kusukela esizalweni sikanina ^f; ababeyibeka insuku ngensuku esangweni lethempeli elithiwa eLihle ^g, ukuthi icele isipho kulabo abangenayo ethempelini ^h. 3 Eyathi ibona uPetro loJohane sebezangena ethempelini, yacela isipho. 4 UPetro waseyijolozela eloJohane, wathi: Sikhangele ⁱ! 5 Yasibananzelela, ilindele ukuthi izakwemukela ulutho kubo ^j. 6 UPetro wasesithi: Isiliva legolide kangilakho; kodwa lokho engilakho, ngikunika khona; ebizweni likaJesu Kristu umNazaretha, sukuma uhambe ^k. 7 Waseyibamba ngesandla sokunene wayisukumisa; njalo kwahle kwaqiniswa inyawo lenqagala zayo. 8 Yasisithi lothu yema yasihamba ^l, yangena labo ethempelini, ihamba iseqa idumisa uNkulunkulu ^m. 9 Njalo bonke abantu bayibona ihamba, idumisa uNkulunkulu ⁿ; 10 basebeyazi ukuthi yiyo ^o eyayihlalela isipho esangweni eLihle lethempeli; basebegcwala ukumangala lokusanganiseka ngalokho okwenzeka kuyo ^p.

UPetro ukhuluma ngoKristu ukuthi uyiNkosi yempilo

11 Kwathi isiqhuli esasisilisiwe sibambelele kuPetro loJohane ^q, bonke abantu bagijimela kubo ndawonye ekhulusini elithiwa elikaSolomoni ^r, bemangala kakhulu. 12 Kwathi uPetro ekubona lokho waphendula ebantwini wathi: Madoda maIsrayeli ^s, limangalelani ngalokhu, kumbe lisijolozelelani ^t, ngokungathi ngawethu amandla kumbe ukulunga simenze ukuthi lo ahambe ^u? 13 UNkulunkulu kaAbrahama lokaIsaka lokaJakobe, uNkulunkulu wabobaba bethu ^v, uyidumisile iNdodana yakhe uJesu ^w; elayinikelayo lina ^x, layiphika phambi kobuso bukaPilatu ^y, yena esequme ukuyikhulula ^z. 14 Kodwa lina lamphika oNgcwele ^aa loLungileyo ^ab, lacela ukuthi liphiwe ^ac indoda engumbulali ^ad, 15 labulala uMqali ^ae wempilo ^af; amvusayo uNkulunkulu kwabafileyo ^ag, esingabafakazi bakho thina ^ah. 16 Njalo ngokholo ebizweni lakhe ^ai, lo elimbonayo lelimaziyo ibizo lakhe limqinisile ^aj; lokholo olungaye lumnike lokhukusila okupheleleyo phambi kwenu lonke ^ak. 17 Njalo khathesi, bazalwane, ngiyazi ukuthi lakwenza ngokungazi ^al, njengababusi benu futhi ^am. 18 Kodwa uNkulunkulu wagcwalisa ngokunjalo ^an lokhu akukhuluma phambili ^ao ngomlomo wabaprofethi bakhe bonke, ukuthi uKristu uzahlupheka. 19 Ngakho phendukani ^ap libuye futhi ^aq, ukuze kwesulwe izono zenu ^ar, ukuze kufike izikhathi zokukhudumala ezivela ebusweni beNkosi, 20 njalo ithume lo owamenyezelwa kini phambili, uJesu Kristu ^as; 21 okumele ukuthi izulu limemukele ^at kuze kufike izikhathi zokubuyisela konke ^au, uNkulunkulu akutshoyo ngomlomo wabo bonke abaprofethi bakhe abangcwele ^av endulo ^{aw
,} ^ax. 22 Ngoba uMozisi wathi kubobaba: INkosi uNkulunkulu wenu izalivusela umprofethi kubazalwane benu onjengami ^ay; yena lizamlalela kukho konke azakukhuluma kini ^az. 23 Njalo kuzakuthi, wonke umphefumulo, loba ngubani ongayikumlalela lowomprofethi, uzachithwa ebantwini. 24 Njalo labaprofethi bonke ^ba, kusukela kuSamuweli labalandelayo, bonke abakhulumayo ^bb, bamemezela phambili lezinsuku ^bc. 25 Lina lingabantwana babaprofethi ^bd, labesivumelwano uNkulunkulu asenza labobaba bethu, esithi kuAbrahama: Langenzalo yakho ^be zizabusiswa zonke izizukulwana zomhlaba ^bf. 26 UNkulunkulu ^bg, eseyivusile iNdodana yakhe uJesu ^bh, wayithuma kini kuqala ukulibusisa ^bi, ngokuliphendula ngulowo lalowo ebubini bakhe ^bj.