Exo 2:3-10 | Ndebele | STEP | Kwathi engaselakuyifihla wayithathela isitsha semizi , wasibhada ngengcino langethara, wafaka umntwana kuso, wasibeka emihlangeni ekhunjini lomfula .

Exodus 2:3-10

3 Kwathi engaselakuyifihla wayithathela isitsha semizi ^a, wasibhada ngengcino langethara, wafaka umntwana kuso, wasibeka emihlangeni ekhunjini lomfula ^b. 4 Udadewabo ^c wasezimisa khatshana ukuze azi okuzakwenziwa kuye.

5 Kwasekusehla indodakazi kaFaro ukuyageza emfuleni; lamantombazana ayo ahamba eceleni komfula. Isibonile isitsha phakathi kwemihlanga, yathuma incekukazi yayo yasithatha ^d. 6 Kwathi isivula, yabona umntwana, khangela-ke, umfanyana wakhala inyembezi. Yasimhawukela yathi: Lo ngomunye wabafana bamaHebheru. 7 Udadewabo wasesithi endodakazini kaFaro: Ngihambe yini ngiyekubizela umfazi omunyisayo kumaHebherukazi ukuze akumunyisele umfana? 8 Indodakazi kaFaro yasisithi kuye: Hamba. Intombi yasihamba, yabiza unina womfana. 9 Indodakazi kaFaro yasisithi kuye: Thatha uhambe lalo umntwana, ungimunyisele yena; njalo mina ngizakupha iholo lakho. Owesifazana wasemthatha umntwana, wammunyisa. 10 Umfana esekhulile, wamletha endodakazini kaFaro, wasesiba yindodana yayo ^e. Yasisitha ibizo layo yathi nguMozisi ^{▼▼ uMozisi: okuyikuthi, owakhutshwa.}, yathi: Ngoba ngamkhupha emanzini.