Ezekiel 16

Ukungathembeki kweJerusalema

1Ilizwi leNkosi lafika kimi futhi lisithi: 2Ndodana yomuntu, yenza iJerusalema yazi amanyala ayo ^a, 3uthi: Itsho njalo iNkosi uJehova kuyo iJerusalema: Ukudabuka kwakho lokuzalwa kwakho ^b kungokwelizwe lamaKhanani ^c; uyihlo ^d wayengumAmori ^e lonyoko ^f umHethi ^g. 4Mayelana lokuzalwa kwakho, ngosuku owazalwa ngalo inkaba yakho kayiqunywanga, njalo kawugeziswanga emanzini ukuthi uhlanjululwe, kawugcotshwanga ngetshwayi ngitsho, kawugoqelwanga ngamalembu ngitsho ^h. 5Kakulalihlo elakuhawukelayo, ukuthi lenze yiloba yikuphi kwalezizinto kuwe, ukuthi likuhawukele ⁱ. Kodwa waphoselwa ebusweni bendle, ekunengekeni kobuntu bakho ^j, ngosuku owazalwa ngalo ^k.

6Kwathi ngisedlula kuwe ngikubona uqhatsha egazini lakho, ngathi kuwe usegazini lakho ^l: Phila; yebo ngathi kuwe usegazini lakho: Phila ^m. 7Ngikwenzile waba linani elikhulu, waba njengehlumela leganga, wanda, wakhula ⁿ, wafika emicecisweni emihle ^o; amabele akho abumbekile, lenwele zakho zakhula; kanti wawunqunu uze ^p. 8Kwathi ngisedlula kuwe ngakubona, khangela-ke, isikhathi sakho sasiyisikhathi sothando; ngasengisendlala umphetho wesembatho sami phezu kwakho, ngembesa ubunqunu bakho; yebo, ngafunga kuwe, ngangena esivumelwaneni lawe, itsho iNkosi uJehova ^q, wasusiba ngowami ^r. 9Ngasengikugezisa ngamanzi, ngahlambulula igazi lakho elinengi kuwe, ngakugcoba ngamafutha ^s. 10Ngakugqokisa ilembu elifekethisiweyo ^t, ngakufaka amanyathela ^u ezikhumba zikamantswane ^v, ngakubhincisa ilembu elicolekileyo kakhulu ^w, ngakwembesa ngesilika ^x. 11Ngakucecisa ngeziceciso ^y, ngafaka amasongo ezandleni zakho ^z, leketane ^aa entanyeni yakho ^ab. 12Ngafaka isongo emakhaleni akho, lamacici ezindlebeni zakho ^ac, lomqhele omuhle ekhanda lakho ^ad. 13Ngokunjalo waceciswa ngegolide lesiliva ^ae, lesembatho sakho sasingeselembu elicolekileyo kakhulu ^af, lesilika ^ag, lelembu elifekethisiweyo ^ah; wadla impuphu ecolekileyo, loluju, lamafutha ^ai; waba muhle kakhulukazi, waphumelela waba ngumbuso ^aj. 14Lodumo lwakho lwaphumela ezizweni ^ak ngobuhle bakho ^{al , am}, ngoba babuphelele ngenkazimulo yami, engayibeka phezu kwakho, itsho iNkosi uJehova ^an.

15Kodwa wathembela ebuhleni bakho ^ao, wawula ngenxa yebizo lakho ^ap, wathululela ukuwula kwakho kuye wonke odlulayo ^aq, kwaba ngokwakhe. 16Wathatha ezembathweni zakho, wazenzela indawo eziphakemeyo ^ar ngemibala ^as, wawulela phezu kwazo ^at; izinto ezinje kaziyikuza, njalo kakuyikwenzeka. 17Wathatha futhi izitsha zakho ezinhle egolideni lami lesiliveni sami engangikunike khona ^au, wazenzela izithombe zabesilisa ^av, wawula lazo ^aw. 18Wathatha izembatho zakho ezifekethisiweyo ^ax, wazisibekela; wabeka amafutha ami lempepha yami phambi kwazo ^ay. 19Lokudla kwami engakunika khona ^az, impuphu ecolekileyo lamafutha loluju engangikondla ngakho ^ba, wakubeka phambi kwazo kwaba liphunga elimnandi; kwaba njalo, itsho iNkosi uJehova.

20Wasuthatha amadodana akho lamadodakazi akho, owawungizalele wona ^bb, wawahlabela zona ukuze adliwe ^bc. Ukuphinga kwakho kwakukuncinyane yini ^bd, 21ukuze ubulale abantwana bami ^be, ubanikela ukuba ubadabulise ^bfemlilweni kuzo ^bg? 22Lakuwo wonke amanyala akho lokuwula kwakho kawukhumbulanga insuku zobutsha bakho ^bh, lapho wawunqunu uze ^bi, uqhatsha ^bj egazini lakho ^bk.

23Kwasekusithi emva kwayo yonke inkohlakalo yakho (maye, maye kuwe! itsho iNkosi uJehova), 24wazakhela idundulu, wazenzela indawo ephakemeyo kuso sonke isitalada ^bl. 25Kuyo yonke inhloko yendlela wakhile indawo yakho ephakemeyo ^bm, wenza ubuhle bakho banengeka ^bn, wavulela bonke abedlulayo izinyawo zakho ^bo, wandisa ukuwula kwakho ^bp. 26Njalo waphinga ^bq labantwana bamaGibhithe, omakhelwane bakho ^br, abakhulu ngenyama, wandisa ukuwula kwakho ^bs, ukuze ungithukuthelise ^bt. 27Ngakho, khangela, ngelulele isandla sami phezu kwakho, nganciphisa ^bu isabelo sakho esimisiweyo ^bv, ngakunikela entandweni yabakuzondayo ^bw, amadodakazi amaFilisti, alenhloni ngendlela yakho embi ^bx. 28Uwulile futhi ^by labantwana bamaAsiriya ngoba ungasuthiseki; yebo, uwulile lawo, kube kanti kawusuthisekanga ^bz. 29Wandisa futhi ukuwula kwakho ^{ca , cb} elizweni leKanani ^cc kuze kube seKhaladiya ^cd; kodwa langalokhu kawusuthisekanga. 30Ibuthakathaka kangakanani inhliziyo yakho, itsho iNkosi uJehova, ekwenzeni kwakho zonke lezizinto, umsebenzi wowesifazana ophingayo, obusayo, 31ekwakheni kwakho idundulu lakho enhlokweni yayo yonke indlela ^ce, wenza indawo yakho ephakemeyo kuso sonke isitalada ^cf, kanti kawubanga njengewule ngoba wadelela iholo lewule ^cg. 32Umfazi ofebayo, endaweni yendoda yakhe uthatha abemzini ^ch! 33Bapha isipho kuwo wonke amawule. Kodwa wena unika isipho sakho kuzo zonke izithandwa zakho, uzithenga ukuze zize kuwe enhlangothini zonke ngokuwula kwakho ^{ci , cj}. 34Ngakho kuwe kulokuphambene labesifazana ekuwuleni kwakho, ngoba kakho olandela wena ukuyawula; lekunikeni kwakho iholo lewule ^ck, njalo unganikwanga iholo lewule, ngakho usube ngophambeneyo ^cl.

35Ngakho, wena wule, zwana ilizwi leNkosi. 36Itsho njalo iNkosi uJehova: Ngoba ukuwula kwakho kuthululiwe, lobunqunu bakho bembulwa ngokuwula kwakho lezithandwa zakho, langazo zonke izithombe zezinengiso zakho ^cm, langegazi labantwana bakho ^cn owazinika bona ^co. 37Ngakho, khangela, ngizaqoqa zonke izithandwa zakho obuthokoza lazo ^cp, lazo zonke obuzithanda kanye lazo zonke obuzizonda ^cq; ngiziqoqe zimelane lawe zivela enhlangothini zonke ^cr, ngembule ubunqunu bakho kuzo ^cs ukuze zibone bonke ubunqunu bakho ^ct. 38Njalo ngizakugweba ^cu ngezahlulelo zabesifazana abafebayo ^{cv , cw} labachithi begazi ^{cx , cy , cz}, ngikuphe igazi lentukuthelo lobukhwele. 39Ngizakunikela futhi esandleni sazo, ziwisele phansi idundulu lakho ^da, zidilize indawo zakho eziphakemeyo ^db, zikuhlubule izigqoko zakho ^{dc , dd , de}, zithathe izinto zakho ezinhle ^df, zikutshiye unqunu uze ^dg. 40Zikwenyuselele ixuku ^dh, zikukhande ngamatshe, zikugwaze ngezinkemba zazo ^di. 41Zitshise izindlu zakho ngomlilo ^dj, zenze izahlulelo phezu kwakho phambi kwamehlo abesifazana abanengi ^dk. Njalo ngizakwenza uyekele ekubeni liwule ^dl, njalo kawusayikupha iholo lewule futhi ^dm. 42Ngokunjalo ngizakwenza ukukuthukuthelela kwami kuphumule, lobukhwele bami busuke kuwe; njalo ngizathula, ngingabe ngisathukuthela ^dn. 43Ngenxa yokuthi ungakhumbulanga insuku zobutsha bakho ^do, kodwa ungithukuthelisile ngazo zonke lezizinto ^dp, khangela, mina-ke ngizakwehlisela futhi indlela yakho phezu kwekhanda lakho, itsho iNkosi uJehova ^dq. Njalo kawuyikwenza lobububi phezu kwazo zonke izinengiso zakho ^dr.

44Khangela, wonke osebenzisa izaga uzasebenzisa isaga ngawe ^ds esithi: Njengonina injalo indodakazi yakhe. 45Wena uyindodakazi kanyoko, owayesenyanya indoda yakhe labantwana bakhe ^dt; lawe ungudade wabodadewenu ^du, ababesenyanya amadoda abo labantwana babo ^dv; unyoko wayengumHethi ^dw loyihlo umAmori ^dx. 46Lodadewenu omdala yiSamariya ^dy, yena lamadodakazi akhe abahlala ngakwesokhohlo sakho ^{dz , ea}; lodadewenu omncane kuwe, ohlala ngakwesokunene sakho ^{eb , ec}, yiSodoma lamadodakazi ayo ^ed. 47Kanti kawuhambanga ngezindlela zabo, wenze njengokwezinengiso zabo ^ee; kwakunjengento encinyane enengekayo; kodwa wonakala kulabo kuzo zonke izindlela zakho ^ef. 48Kuphila kwami, itsho iNkosi uJehova ^eg, isibili iSodoma udadewenu kayenzanga, yona lamadodakazi ayo, njengokwenza kwakho, wena lamadodakazi akho ^eh. 49Khangela, lesi sasiyisiphambeko seSodoma udadewenu: Ukuzigqaja, ukusutha isinkwa, lokuchelesa okulokuthula kwakukuyo lakumadodana ayo, kodwa kaqinisanga isandla sabayanga labaswelayo ^ei. 50Babeziphakamisa, benza isinengiso phambi kwami ^ej; ngakho ngabasusa ^ek njengokubona kwami ^el. 51Futhi iSamariya kayonanga ngengxenye yezono zakho ^em; kodwa wena wandisile izinengiso zakho kulabo, walungisisa odadewenu ngezinengiso zakho zonke ozenzileyo ^en. 52Lawe ^eo, thwala ihlazo lakho ^ep, wena owahlulele odadewenu ^eq, ngezono zakho ozenzileyo ngokunengeka okwedlula bona; balungile kulawe. Ngakho lawe woba lenhloni, uthwale ihlazo lakho ^er, ngoba ubalungisisile odadewenu ^es.

53Lapho ngizabuyisa abathunjiweyo babo, abathunjwa beSodoma lamadodakazi ayo, labathunjwa beSamariya lamadodakazi ayo, khona ngizabuyisa ukuthunjwa kwabathunjwa bakho phakathi kwabo ^et. 54Ukuze uthwale ihlazo lakho ^eu, ube lenhloni ngakho konke okwenzileyo ^ev ekubaduduzeni kwakho ^ew. 55Lapho odadewenu iSodoma lamadodakazi ayo bezabuyela esimeni sabo sakuqala, leSamariya lamadodakazi ayo babuyele esimeni sabo sakuqala, lawe lamadodakazi akho lizabuyela esimeni senu sakuqala ^ex. 56Ngoba iSodoma udadewenu kayibanga semlonyeni wakho njengombiko ngosuku lokuzigqaja kwakho, 57bungakembulwa ububi bakho, ngesikhathi sehlazo lamadodakazi eSiriya ^ey, labo bonke abayizingelezeleyo, amadodakazi amaFilisti, abakweyisayo inhlangothi zonke ^ez. 58Wena uthwele amacebo akho amabi lezinengiso zakho, itsho iNkosi ^fa. 59Ngoba itsho njalo iNkosi uJehova: Ngizakwenza lakuwe njengokwenza kwakho, odelela ^fb isifungo ^fc ngokwephula ^fd isivumelwano ^fe. 60Kube kanti mina ngizakhumbula isivumelwano sami lawe ^ff ensukwini zobutsha bakho ^fg, ngimise lawe isivumelwano esilaphakade ^fh. 61Khona uzakhumbula izindlela zakho ^fi, ube lenhloni ^fj, lapho usemukela odadewenu ^fk, omdala kuwe lomncinyane kuwe ^fl; ngoba ngizakunika bona babe ngamadodakazi ^fm, kodwa kungabi ngesivumelwano sakho ^fn. 62Njalo mina ngizamisa isivumelwano sami lawe ^fo, uzakwazi-ke ukuthi ngiyiNkosi ^fp. 63Ukuze ukhumbule, ube lenhloni ^fq, ungabe ^fr usavula umlomo wakho ^fs ngenxa yehlazo lakho ^ft, lapho sengikwenzele inhlawulo yokuthula ngakho konke okwenzileyo, itsho iNkosi uJehova ^fu.