Gen 29:23-26, 31-35, 35:18 | Ndebele | STEP | Kwasekusithi kusihlwa wathatha uLeya indodakazi yakhe wamusa kuye, wasengena kuye.

b20:9, 34:7

e 31:42; Eks 3:7, 4:31; Dute 26:7; Hlab 25:18

Genesis 29:23-26

23 Kwasekusithi kusihlwa wathatha uLeya indodakazi yakhe wamusa kuye, wasengena kuye. 24 ULabani wasemnika uZilipa incekukazi yakhe, kuLeya indodakazi yakhe, abe yincekukazi ^a. 25 Kwasekusithi ekuseni, khangela-ke, nguLeya; ngakho wathi kuLabani: Kuyini lokhu okwenze kimi? Kangimsebenzelanga uRasheli kuwe yini? Pho, ungikhohliseleni? 26 ULabani wasesithi: Kakwenziwa njalo endaweni yakithi ukupha omncinyane ngaphambi kwengqabutho ^b.

Genesis 29:31-35

Abantwana abazalelwa uJakobe

31 Lapho iNkosi isibona ukuthi uLeya wayezondwa, yavula isizalo sakhe, kodwa uRasheli wayeyinyumba ^c. 32 ULeya wasethatha isisu, wazala indodana, wayitha ibizo layo uRubeni ^{▼▼ uRubeni: okuyikuthi, bona indodana.}, ngoba wathi: Ngoba iNkosi ibonile inhlupheko yami ^e; ngakho khathesi indoda yami izangithanda. 33 Wasebuya wathatha isisu, wazala indodana, wathi: Njengoba iNkosi izwile ukuthi ngiyazondwa, inginike lale; wayitha ibizo layo uSimeyoni ^{▼▼ uSimeyoni: okuyikuthi, ukuzwa.}. 34 Wasebuya wathatha isisu, wazala indodana; wathi: Khathesi ngalesisikhathi indoda yami izazihlanganisa lami ^g, ngoba ngiyizalele amadodana amathathu; ngalokhu wabiza ibizo layo uLevi ^{▼▼ uLevi: okuyikuthi, kuhlanganisiwe.}. 35 Wasebuya wathatha isisu, wazala indodana; wathi: Ngalesisikhathi ngizadumisa iNkosi; ngakho wayitha ibizo layo uJuda ^{i
,} ^{▼▼ uJuda: okuyikuthi, udumo.}; wasesima ukuzala.

Genesis 35:18

18 Kwasekusithi umphefumulo wakhe usuphuma, ngoba esesifa, wayitha ibizo layo uBenoni ^{▼▼ uBenoni: okuyikuthi, indodana yosizi lwami.}; kodwa uyise wayibiza ngokuthi nguBhenjamini ^{▼▼ uBhenjamini: okuyikuthi, indodana yesandla sokunene.}.