Isa 16 | Ndebele | STEP | Thumelani iwundlu kumbusi welizwe lilisusa eSela lisiya enkangala, entabeni yendodakazi yeZiyoni .

Isaiah 16

Ukuhlupheka kukaMowabi

1 Thumelani iwundlu ^a kumbusi welizwe lilisusa eSela lisiya enkangala, entabeni yendodakazi yeZiyoni ^b. 2 Ngoba kuzakuthi, njengenyoni ezulazulayo exotshwe esidlekeni ^{c
,} ^d, azakuba njalo amadodakazi akoMowabi emazibukweni eArinoni. 3 Lethani iseluleko, lenze isinqumo; wenze isithunzi sakho sibe njengobusuku phakathi kwemini ^e, ufihle abaxotshiweyo ^f, ungavezi obalekayo ^g. 4 Abaxotshiweyo ^h bami kabahlale njengabezizwe phakathi kwakho, Mowabi; ube yisiphephelo ⁱ kibo ebusweni bomchithi; ngoba umcindezeli usekucineni, ukuchitheka sekunyamalele, lonyathezela phansi usephelile elizweni. 5 Njalo kuzamiswa isihlalo sobukhosi ^j ngomusa, njalo ahlale kiso ngobuqotho ethenteni likaDavida, esahlulela ^k, lodinga isahlulelo, lophangisisa ukulunga ^l.

6 Sizwile ngokuziphakamisa kukaMowabi ^m, uyazigqaja kakhulu; ukuzikhukhumeza kwakhe, lokuziqhenya kwakhe, lolaka lwakhe, ukuwumana kwakhe ⁿ kakunjalo ^o. 7 Ngakho uMowabi uzaqhinqela uMowabi isililo ^p, bonke baqhinqe isililo ^q; libubulele izisekelo zeKiri-Haresethi ^{r
,} ^{s
,} ^t; isibili batshayiwe. 8 Ngoba amasimu eHeshiboni ^u ayabuna ^v, ivini ^w leSibima ^x; amakhosi ezizwe atshayele phansi amahlukuzo evini awo; afinyelele ^y eJazeri ^z, azulazule enkangala ^aa, ingatsha zawo zeluliwe ^ab, zachapha ulwandle ^ac. 9 Ngenxa yalokho ngizakhala inyembezi ^ad ngokukhala kweJazeri ^ae ngevini leSibima ^af; ngikuthambise ngezinyembezi zami, Heshiboni ^ag, lawe Eleyale ^ah; ngoba ukujabulela ^ai izithelo zakho zehlobo ^aj lesivuno sakho sekuwile ^ak. 10 Intokozo lenjabulo ^al sekususiwe ensimini ethelayo ^am, lezivinini ^an kakuhlatshelwa ngoma; kakulakumemeza; kakulamnyatheli onyathela iwayini ^ao ezikhamelweni zewayini ^ap; ngimisile ukumemeza kwenjabulo ^{aq
,} ^ar. 11 Ngenxa yalokho imibilini yami iyakhala njengechacho ngoMowabi ^as, lengaphakathi yami ngeKiri-Haresi ^at. 12 Kuzakuthi sekubonakele ukuthi uMowabi uzidinisile endaweni ephakemeyo ^au, khona ezangena endlini yakhe engcwele ukukhuleka, kodwa kayikuphumelela. 13 Leli yilizwi iNkosi elikhulume ngoMowabi kusukela kulesosikhathi ^av. 14 Kodwa khathesi iNkosi ikhuluma isithi: Phakathi kweminyaka emithathu, njengeminyaka yoqhatshiweyo ^aw, udumo lukaMowabi luzadelelwa, elaleloxuku lonke elikhulu; lensali izakuba nlutshwana, incane, ingelamandla ^ax.