Isa 50 | Ndebele | STEP | Itsho njalo iN kosi : Ingaphi incwadi yesehlukaniso kanyoko engamlahla ngayo? Loba ngubani kubakweledisi bami engilithengise kuye ? Khangelani, lathengiswa ngenxa yobubi benu , langenxa yeziphambeko zenu unyoko walahlwa.

Isaiah 50

1 Itsho njalo iNkosi: Ingaphi incwadi ^a yesehlukaniso kanyoko engamlahla ngayo? Loba ngubani kubakweledisi bami ^b engilithengise kuye ^c? Khangelani, lathengiswa ngenxa yobubi benu ^d, langenxa yeziphambeko zenu unyoko walahlwa. 2 Kungani ekufikeni kwami kwakungelamuntu? Ngibiza ^e, kodwa engekho ophendulayo? Isandla sami sifinyeziwe lokufinyezwa yini ukuthi singehlenge ^f? Kumbe kakulamandla kimi okukhulula yini? Khangela ngokukhuza kwami ^g ngomisa ulwandle ^h, ngenza imifula ibe yinkangala ⁱ; izinhlanzi zayo zibe levumba ^j ngoba kungelamanzi, zife ngenxa yokoma. 3 Ngigqokisa amazulu ngobumnyama ^k, ngenze isaka ^l libe yisembeso sawo.

Ukulalela kwenceku yeNkosi

4 INkosi uJehova ^m inginike ulimi lwabafundileyo ⁿ, ukuze ngazi ukukhuluma ilizwi ^o ngesikhathi esifaneleyo kokhatheleyo ^p. Iyavuka ukusa ngokusa ^q; ivusa indlebe yami, ukuze ngizwe njengabafundileyo ^r. 5 INkosi uJehova ivule indlebe yami ^s, njalo mina kangibanga lenkani ^t, kangibuyelanga emuva ^u. 6 Nganika umhlana wami kubatshayi ^v, lezihlathi zami ^{w
,} ^x kulabo abacutha indevu ^y; kangifihlanga ubuso bami ehlazweni elikhulu lamathe ^{z
,} ^aa. 7 Ngoba iNkosi uJehova izangisiza; ngakho-ke kangiyangiswa; ngakho-ke ngimise ubuso bami ^ab njengensengetshe ^ac, njalo ngiyazi ukuthi kangiyikuyangeka ^ad. 8 Useduze yena ongilungisisayo ^ae. Ngubani ongalwisana lami ^af? Kasime ndawonye. Ngubani ummangaleli wami? Kasondele kimi. 9 Khangela, iNkosi uJehova izangisiza; ngubani ozangilahla? Khangela, bonke bazaguga njengesembatho ^{ag
,} ^ah; inundu izabadla ^{ai
,} ^aj.

10 Ngubani phakathi kwenu oyesabayo iNkosi, olalela ilizwi lenceku yayo, ohamba emnyameni ^ak, njalo engelakukhanya? Kathembele ebizweni leNkosi, eyame kuNkulunkulu wakhe ^al. 11 Khangelani, lina lonke eliphemba umlilo, elizigombolozela ngenhlansi ^am: Hambani ekukhanyeni komlilo wenu ^an, lenhlansini elizibasileyo ^ao. Lokhu kuzakwenzakala kini kuvela esandleni sami ^ap; lizalala phansi ngobuhlungu ^aq.