Jer 4:22, 5:4, 9:3, Hos 4:6, 14 | Ndebele | STEP | Ngoba abantu bami bayizithutha, mina kabangazi; bangabantwana abayiziphukuphuku, kabalakuqedisisa; bahlakaniphele ukwenza okubi, kodwa ukwenza okuhle kabakwazi.

Jeremiah 4:22

22 Ngoba abantu bami bayizithutha, mina kabangazi; ^a bangabantwana abayiziphukuphuku, kabalakuqedisisa; bahlakaniphele ukwenza okubi, ^b kodwa ukwenza okuhle kabakwazi.

Jeremiah 5:4

4 Mina ngasengisithi: Qiniso, laba ngabayanga, bayizithutha; ^c ngoba kabayazi indlela yeNkosi, ^d isahlulelo sikaNkulunkulu wabo. ^e

Jeremiah 9:3

3 Njalo bagobisa ulimi lwabo njengedandili labo besenzela amanga; ^f kodwa kabaliqineli ^g iqiniso elizweni; ^h ngoba baqhubeka kusukela kokubi kusiya kokubi, mina-ke kabangazi, ^{i
,} ^j itsho iNkosi.

Hosea 4:6

6 Abantu bami babhujisiwe ^k ngokuswela ^l ulwazi; ngoba wena ulwalile ulwazi, lami ngizakwala, ukuze ungangisebenzeli ^m njengompristi. Lokhu usuwukhohliwe ⁿ umlayo kaNkulunkulu wakho, lami ngizakhohlwa abantwana bakho.

Hosea 4:14

14 Kangiyikuwajezisa amadodakazi enu lapho ewula, labomakoti benu lapho befeba; ngoba bona ngokwabo bazehlukanisa ^o lamawule, basebesenza imihlatshelo kanye lezifebe zethempeli; ngakho abantu ^p abangelakuqedisisa bazawiselwa phansi ^q.