John 14

Inkulumo yokuvalelisa kukaJesu

1Inhliziyo yenu kayingakhathazeki; liyakholwa kuNkulunkulu, kholwani lakimi ^a. 2Ekhaya likaBaba kukhona izindlu ezinengi; kodwa uba kwakungenjalo, ngabe ngalitshela ^b. Ngiyahamba ukuyalilungisela indawo ^c. 3Njalo nxa ngihamba ngisiyalilungisela indawo, ngizabuya futhi ngilemukele kimi ^d; ukuze kuthi lapho mina engikhona, libe khona lani ^e. 4Lalapho mina engiya khona liyakwazi, lendlela liyayazi.

5UTomasi wathi kuye ^f: Nkosi, kasikwazi lapho oya khona; pho, singayazi njani indlela ^g? 6UJesu wathi kuye: Mina ngiyindlela ^h, leqiniso ⁱ, lempilo ^j; kakho oza kuBaba, kodwa ngami ^k. 7Uba belingazile, belizamazi loBaba ^l; njalo kusukela khathesi liyamazi, selimbonile ^m.

8UFiliphu wathi kuye: Nkosi, sitshengise uYihlo, njalo kusanele ⁿ. 9UJesu wathi kuye: Sengilani isikhathi eside kangaka, kawukangazi, Filiphu? Yena obone mina, ubone uBaba ^o; njalo utsho njani ukuthi: Sitshengise uYihlo? 10Kawukholwa yini ukuthi mina ngikuBaba, loBaba ukimi ^p? Amazwi mina engiwakhuluma kini, kangizikhulumeli ngokwami; kodwa uBaba ohlezi kimi ^q, yena wenza imisebenzi ^r. 11Ngikholwani ukuthi mina ngikuBaba, loBaba ukimi ^s; njalo uba kungenjalo, ngikholwani ngenxa yemisebenzi ngokwayo ^t.

12Ngiqinisile, ngiqinisile, ngithi kini: Okholwa kimi, imisebenzi engiyenzayo uzayenza laye ^u, lemikhulu kulale uzayenza ^v; ngoba mina ngiya kuBaba ^w. 13Njalo loba yini eliyicelayo ^x ngebizo lami, le ngizayenza ^y, ukuze uYise adunyiswe eNdodaneni. 14Uba licela loba yini ebizweni lami, mina ngizayenza ^z.

UMoya uyathenjiswa

15Uba lingithanda, londolozani imilayo yami ^aa. 16Lami ngizacela kuBaba, laye uzalinika omunye uMduduzi ^ab, ukuze ahlale lani laphakade, 17uMoya weqiniso ^ac, ongememukele umhlaba, ngoba ungamboni, ungamazi ^ad. Kodwa lina liyamazi ^ae, ngoba uhlala lani ^af, njalo uzakuba kini ^ag. 18Kangiyikulitshiya lizintandane; ngizakuza kini ^ah. 19Kube kanti okwesikhatshana ^ai, lomhlaba kawusayikungibona, kodwa lina lizangibona ^aj; ngoba mina ngiyaphila, lani lizaphila ^ak. 20Ngalolosuku lina lizakwazi ^al ukuthi mina ngikuBaba, lani likimi ^am, lami ngikini ^an. 21Olemilayo yami ayilondoloze, nguye ongithandayo ^ao; njalo yena ongithandayo, uzathandwa nguBaba; lami ngizamthanda, ngizazibonakalisa kuye ^ap.

22UJudasi, ongesuye uIskariyothi, wathi kuye: Nkosi, kungani uzazibonakalisa kithi, kodwa kungeyisikho kumhlaba ^aq? 23UJesu waphendula wathi kuye: Uba umuntu engithanda ^{ar , as}, uzalondoloza ilizwi lami ^at, loBaba uzamthanda ^au, njalo sizakuza kuye ^av, sihlale laye ^aw. 24Yena ongangithandiyo, kawalondolozi amazwi ami; lelizwi elilizwayo kayisilo elami, kodwa ngelikaBaba ongithumileyo ^ax.

25Lezizinto ngizikhulumile kini ngihlezi lani. 26Kodwa uMduduzi, uMoya oyiNgcwele ^ay, uBaba azamthuma ebizweni lami ^az, yena uzalifundisa zonke izinto, njalo alikhumbuze konke engakutshoyo kini ^ba.

27Ukuthula ngikutshiya kini ^bb, ukuthula kwami ngilinika khona ^bc; kungeyisikho njengoba umhlaba unika ^bd, mina ngiyalinika. Inhliziyo yenu kayingakhathazwa, ingesabi ^be. 28Lizwile ukuthi mina ngithe kini ^bf: Ngiyahamba njalo ngizabuya kini ^bg. Uba belingithanda, belizathokoza, ngoba ngithe: Ngiya kuBaba ^bh; ngoba uBaba mkhulu kulami ^bi. 29Njalo khathesi ngilitshelile kungakenzeki; ukuze, lapho sekusenzeka, likholwe ^bj. 30Kangisayikukhuluma okunengi lani ^bk; ngoba umbusi walumhlaba uyeza ^bl, kodwa kalalutho kimi ^bm; 31kodwa ukuze umhlaba wazi ^bn ukuthi ngiyamthanda uBaba ^bo, lokuthi njengoba uBaba engilayile, ngenze njalo. Sukumani, sisuke lapha ^bp.