Mar 1:12-13, Luk 4:1-13 | Ndebele | STEP | Njalo uMoya wahle wamqhubela enkangala .

Mark 1:12-13

Ukulingwa kukaJesu

12 Njalo uMoya ^a wahle wamqhubela enkangala ^b. 13 Wayekhona-ke lapho enkangala insuku ezingamatshumi amane elingwa nguSathane, wayelezilo, ingilosi zasezimnceda.

Luke 4:1-13

1 Kwathi uJesu egcwele uMoya oNgcwele ^c wabuya evela eJordani ^d, wakhokhelelwa nguMoya enkangala ^e, 2 walingwa ngudiyabhola insuku ezingamatshumi amane ^f. Njalo kadlanga lutho ngalezonsuku; kwathi seziphelile, ekucineni walamba. 3 Udiyabhola wasesithi kuye: Uba uyiNdodana kaNkulunkulu, tshono kulelilitshe ukuthi libe yisinkwa. 4 UJesu wasemphendula, wathi: Kulotshiwe, ukuthi umuntu kayikuphila ngesinkwa sodwa, kodwa ngalo lonke ilizwi likaNkulunkulu ^g.

5 Udiyabhola wasemkhokhelela entabeni ende ^h wamtshengisa yonke imibuso yomhlaba ngesikhatshana ⁱ. 6 Udiyabhola wasesithi kuye: Amandla wonke la lobukhosi bayo ngizakunika ^j; ngoba anikwe mina, njalo ngiwanika loba ngubani engithandayo ^k. 7 Ngakho wena uba ukhonza phambi kwami, konke kuzakuba ngokwakho. 8 UJesu wasemphendula wathi: Suka ngemva kwami, Sathane; ngoba kulotshiwe ukuthi: Uzakhothamela eNkosini uNkulunkulu wakho, njalo umkhonze yena yedwa ^l.

9 Wasemkhokhelela eJerusalema, wammisa engqongeni yethempeli ^m, wasesithi kuye: Uba uyiNdodana kaNkulunkulu, ziwisele phansi usuka lapha; 10 ngoba kulotshiwe ukuthi: Uzalaya ingilosi zakhe ngawe, ukukulondoloza; 11 lokuthi: Zizakuphatha ngezandla, hlezi loba nini ukhube unyawo lwakho elitsheni ⁿ. 12 UJesu wasephendula wathi kuye: Kuthiwa: Ungayilingi iNkosi uNkulunkulu wakho ^o.

13 Udiyabhola eseqedile ukulinga konke, wasuka kuye kwaze kwaba ngesinye isikhathi ^p.