Mat 21:23-27, Mar 11:27-33 | Ndebele | STEP | Kwathi esengenile ethempelini, abapristi abakhulu labadala babantu basondela kuye esafundisa , bathi: Izinto lezi uzenza ngaliphi igunya? Njalo ngubani okunike leligunya ?

d14:5, 21:46

Matthew 21:23-27

Igunya likaJesu

23 Kwathi esengenile ethempelini, abapristi abakhulu labadala babantu basondela kuye esafundisa ^a, bathi: Izinto lezi uzenza ngaliphi igunya? Njalo ngubani okunike leligunya ^b? 24 UJesu wasephendula wathi kubo: Lami ngizalibuza umbuzo ube munye; uba lingitshela lokhu, lami ngizalitshela ukuthi ngenza lezizinto ngaliphi igunya: 25 Ubhabhathizo lukaJohane lwavela ngaphi? Ezulwini kumbe ebantwini? Basebekhulumisana, besithi: Uba sisithi: Ezulwini, uzakuthi kithi: Pho kalikholwanga kuye ngani ^c? 26 Kodwa uba sisithi: Ebantwini, siyesaba ixuku ^d; ngoba bonke bamphatha uJohane njengomprofethi ^e. 27 Basebemphendula uJesu bathi: Kasazi. Wasesithi kubo: Lami kangilitsheli ukuthi ngenza lezizinto ngaliphi igunya.

Mark 11:27-33

Amandla kaJesu

27 Basebebuya bafika eJerusalema; kwathi ehambahamba ethempelini, abapristi abakhulu lababhali labadala beza kuye, 28 bathi kuye: Izinto lezi uzenza ngaliphi igunya; njalo ngubani okunike leligunya lokuthi wenze lezizinto? 29 UJesu wasephendula wathi kubo: Lami ngizalibuza umbuzo ^{▼▼ umbuzo: kumbe, into} ube munye, njalo lingiphendule, khona ngizalitshela ukuthi ngenza lezizinto ngaliphi igunya. 30 Ubhabhathizo lukaJohane lwavela ezulwini, kumbe ebantwini? Ngiphendulani. 31 Basebekhulumisana, besithi: Uba sisithi: Ezulwini, uzakuthi: Pho kalikholwanga kuye ngani? 32 Kodwa uba sisithi: Ebantwini; besaba abantu; ngoba bonke babemphatha uJohane, ngokuthi ungumprofethi ngeqiniso. 33 Basebephendula bathi kuJesu: Kasazi. UJesu wasephendula wathi kubo: Lami kangilitsheli ukuthi ngenza lezizinto ngaliphi igunya ^g.