aMark 12:1-12; Luka 20:9-19
bHlab 80:8
cIsa 5:2
dIsa 5:2
eIsa 5:2
f25:14,15; Luka 15:13
g5:12; Heb 11:36,37; 2 Lan 36:16; Seb 5:40; 2 Kor 11:24,25
h22:6, 23:34,37; 1 Thes 2:15; Heb 11:37; Jer 26:23; Neh 9:26
i23:37; 2 Lan 24:21; Heb 11:37
j22:4
kHeb 12:9
lHeb 1:2
m26:3, 27:1; Joha 11:53; Seb 4:27; 2 Sam 14:7
n26:50, 27:50; Seb 2:23, 5:30
oHeb 13:12
pLuka 21:24
qSeb 13:46, 18:6, 28:28
rHlab 118:22,23; Seb 4:11; Isa 28:16; Efe 2:20; 1 Pet 2:6
s8:12; Luka 14:24
tIsa 8:14,15; Zek 12:3; Luka 20:18; Roma 9:33; 1 Pet 2:7,8; Luka 2:34
uDan 2:34,35,44; Isa 60:12
v21:15; Mark 11:18; Luka 19:47; Joha 7:25,30,44
w21:26
x21:11
yMat 21:33-46; Luka 20:9-19
zLuka 20:13; Mat 3:17
aaMat 21:41; Luka 20:16
abHlab 118:22,23
ac11:18
adMat 22:22

Matthew 21:33-46

Umfanekiso wabalimi besivini

33Zwanini omunye umfanekiso. Kwakukhona umuntu othile ongumninimuzi a, owahlanyela isivini b, wasibiyela ngothango c, wagebha isikhamelo d kuso, wakha umphotshongo e, wasiqhatshisa kubalimi, waya kwelinye ilizwe f. 34Kwathi sekusondele isikhathi sezithelo, wathuma inceku zakhe kubalimi, ukuze zemukele izithelo zakhe. 35Abalimi basebezibamba inceku zakhe, enye bayitshaya g, lenye bayibulala h, lenye bayikhanda ngamatshe i. 36Wabuya wathuma ezinye inceku ezinengi kulezokuqala j; basebesenza njalo kulezo. 37Ekucineni wasethuma indodana yakhe kubo, esithi: Bazayihlonipha indodana yami k. 38Kodwa abalimi sebeyibonile indodana bakhulumisana besithi: Le yindlalifa l; wozani, siyibulale, njalo sibambe ilifa layo m. 39Basebeyibamba n bayiphosela ngaphandle kwesivini, bayibulala o. 40Ngakho mhla kufika umninisivini, uzabenzani abalimi labo? 41Bathi kuye: Uzababhubhisa kakubi labo ababi p, njalo uzaqhatshisa isivini kwabanye abalimi, abazamnika izithelo ngezikhathi zazo q.

42UJesu wathi kubo: Alikaze lifunde yini emibhalweni ukuthi: Ilitshe abakhi abalalayo, yilo eseliyinhloko yengonsi; lokhu yikwenza kweNkosi; njalo kuyamangalisa emehlweni ethu r? 43Ngakho ngithi kini: Lizakwemukwa umbuso kaNkulunkulu, unikwe isizwe esithela izithelo zawo s. 44Lalowo owela phezu kwalelilitshe uzaphahlazwa t; kodwa loba ngubani eliwela phezu kwakhe lizamchoboza u.

45Kwathi abapristi abakhulu labaFarisi sebezwile imifanekiso yakhe bazi ukuthi ubekhuluma ngabo. 46Kwathi sebedinga ukumbamba v besaba amaxuku w, ngoba ayemphatha njengomprofethi x.

Mark 12:1-12

1Waseqala ukukhuluma labo ngemifanekiso wathi: Umuntu wahlanyela isivini, wasibiyela ngothango, wagebha isikhamelo, wakha umphotshongo, wasiqhatshisa kubalimi, waya kwelinye ilizwe. 2Kwathi sekuyisikhathi esifaneleyo wathuma inceku kubalimi, ukuze yemukele kubalimi okwesithelo sesivini. 3Kodwa bayibamba bayitshaya, bayimukisa ize. 4Wasebuya ethuma kubo enye inceku; laleyo bayitshaya ngamatshe bayilimaza ekhanda, bayixotsha isithelwe inhloni. 5Wasebuya ethuma enye; yona basebeyibulala; lezinye ezinengi, ezinye bazitshaya, lezinye bazibulala y. 6Ngakho eseselendodana eyodwa ethandekayo kuye z, ekucineni wayithuma kubo layo, esithi: Bazayihlonipha indodana yami. 7Kodwa labobalimi bakhulumisana besithi: Le yindlalifa; wozani, siyibulale, lelifa lizakuba ngelethu. 8Basebeyibamba bayibulala, bayiphosela ngaphandle kwesivini. 9Ngakho uzakwenzani umninisivini? Uzakuza ababhubhise abalimi, anikele isivini kwabanye aa. 10Kalibalanga yini lumbhalo othi: Ilitshe abakhi abalalayo, yilo eseliyinhloko yengonsi; 11lokhu kwenziwe yiNkosi, njalo kuyisimanga emehlweni ethu ab? 12Basebedinga ukumbamba, kodwa besaba ixuku; ngoba babesazi ukuthi wayekhulume lumfanekiso emelane labo ac. Basebemtshiya bahamba ad.

Copyright information for Ndebele