Psa 109 | Ndebele | STEP | Kumqondisi wokuhlabelela. Isihlabelelo sikaDavida Nkulunkulu wendumiso yami , ungathuli .

Psalms 109

Umkhuleko wokucela impindiselo

Kumqondisi wokuhlabelela. Isihlabelelo sikaDavida

1 Nkulunkulu wendumiso yami ^a, ungathuli ^b. 2 Ngoba umlomo wokhohlakeleyo lomlomo wenkohliso uvulekile umelene lami; bakhulume lami ngolimi lwamanga. 3 Bangihanqa ngamazwi enzondo, balwa bemelene lami kungelasizatho ^c. 4 Esikhundleni sothando lwami bayizitha zami ^d, kodwa mina ^e ngisemkhulekweni ^f. 5 Basebengibuyisela okubi esikhundleni sokuhle, lenzondo esikhundleni sothando lwami ^g.

6 Umise omubi ^h phezu kwakhe ⁱ, loSathane ^j kame ngakwesokunene sakhe ^{k
,} ^l. 7 Ekwahlulelweni kwakhe kaphume elecala ^m; lomkhuleko wakhe ube yisono ⁿ. 8 Insuku zakhe kazibe nlutshwana; omunye athathe isikhundla sakhe ^o. 9 Abantwana bakhe kabangabi loyise, lomkakhe abe ngumfelokazi ^p. 10 Abantwana bakhe kabazulazule ^q bephanza isinkwa sabo ^r, bacele bevela emanxiweni abo ^s. 11 Umebolekisi kabambe konke alakho ^t, labezizweni baphange izithelo zomsebenzi wakhe ^u. 12 Kungabi khona omelulela umusa ^v, futhi kungabi khona ozwela intandane zakhe ^w. 13 Inzalo yakhe kayiqunywe ^x, lebizo labo lesulwe esizukulwaneni esilandelayo ^y. 14 Ububi baboyise bukhunjulwe eNkosini ^z, lesono sikanina singesulwa ^aa. 15 Kabube phambi kweNkosi njalonjalo, ukuze aqume ukukhunjulwa kwabo kusuke emhlabeni ^ab. 16 Ngenxa yokuthi wayengakhumbuli ukwenza umusa, kodwa wazingela umuntu ohluphekayo longumyanga ^ac, lodabukileyo enhliziyweni ukumbulala ^ad. 17 Njengoba wathanda ukuqalekisa, ngakho kakwehlele kuye; njengoba wayengathandi ukubusisa, ngakho kakube khatshana laye ^ae. 18 Njengoba wagqoka isiqalekiso njengesigqoko sakhe ^af, ngakho kakungene emibilini yakhe njengamanzi, lanjengamafutha emathanjeni akhe ^ag. 19 Kakube kuye njengesembatho azembesa ngaso, kube libhanti azibopha ngalo njalonjalo. 20 Lokhu kube ngumvuzo wezitha zami ovela eNkosini, lowalabo abakhuluma okubi ngomphefumulo wami ^ah.

21 Kodwa wena, Jehova, Nkosi, ngenzela ngenxa yebizo lakho ^ai; ngoba umusa wakho ulungile, ngikhulule ^aj. 22 Ngoba mina ngiyisihlupheki lomyanga, lenhliziyo yami ilimele phakathi kwami ^ak. 23 Ngedlula njengesithunzi sisiba side ^al; ngizanyazanyiswe ^am njengesikhonyane ^an. 24 Amadolo ami ayaxega ngokuzila ukudla ^ao, lenyama yami isicakile iswela ukukhuluphala ^ap. 25 Mina sengibe lihlazo kubo ^aq, bengibona banikina ikhanda labo ^ar. 26 Ngisize, Nkosi, Nkulunkulu wami, ungisindise ngokomusa wakho ^as. 27 Ukuze bazi ukuthi lesi yisandla sakho; wena, Nkosi, ukwenzile. 28 Kabathuke bona, kodwa wena ubusise ^at; nxa bevuka kabayangeke, kodwa inceku yakho kayithabe ^au. 29 Izitha zami ^{av
,} ^aw kazigqokiswe ngehlazo ^ax, kazizigoqele ^ay ngenhloni zazo njengesembatho ^az.

30 Ngizayibonga kakhulu iNkosi ngomlomo wami; njalo ngizayidumisa phakathi kwabanengi ^ba. 31 Ngoba izakuma ngakwesokunene komyanga, ukumsindisa kulabo abalahla umphefumulo wakhe ^bb.