aHlab 39:3
bHlab 84:3
cHlab 65:2
dHlab 30:5, 88:13, 90:14, 130:6, 143:8; Hlab 46:5, 119:147
eJobe 33:5; Hlab 50:21
fMika 7:7
gHlab 73:3, 75:4; Hab 1:13
hHlab 4:2; Isam 21:8, 22:15
iHlab 132:7
j1 Kho 8:29,30; Hlab 132:7
kHlab 23:3, 25:4
lEzra 8:21
mHlab 49:11
nRoma 3:13
oJer 5:16
pZaga 2:16, 7:5; Hlab 12:2; Hlab 36:2
qIsa 65:13
rHlab 2:12
s1 Sam 2:1; Hlab 9:2
tHlab 35:2

Psalms 5

Umkhuleko wokucela ukuvikelwa ezitheni

Kumqondisi wokuhlabelela. NgeNehilothi. Isihlabelelo sikaDavida

1Beka indlebe emazwini ami, Nkosi; unanzelele ukububula kwami a. 2Lalela ilizwi lokukhala kwami, Nkosi yami loNkulunkulu wami b; ngoba ngikhuleka kuwe c. 3Nkosi, ekuseni uzalizwa ilizwi lami d; ekuseni ngizahlela umkhuleko wami ngakuwe e, ngilinde f. 4Ngoba kawusuye uNkulunkulu othokoza ebubini; omubi kayikuhlala lawe. 5Abazikhukhumezayo kabayikuma phambi kwamehlo akho; uzonda bonke abenzi bobubi g. 6Uzababhubhisa abaqamba amanga. INkosi iyamenyanya umuntu wegazi lenkohliso h. 7Kodwa mina, ngizangena endlini yakho ngobukhulu besihawu sakho, ngikhothame i ngikhangele ethempelini lakho elingcwele, ngokukwesaba j. 8Nkosi, ngikhokhelele ekulungeni kwakho ngenxa yezitha zami k, wenze indlela yakho iqonde phambi kwami l. 9Ngoba kalikho iqiniso emlonyeni wazo, ingaphakathi yazo izinkohlakalo m; umphimbo wazo n ulingcwaba elivulekileyo o, zibamba amehlo ngolimi lwazo p. 10Tshono uthi zilecala, Nkulunkulu, kaziwe ngamacebo azo; uzilahle ngenxa yobunengi beziphambeko zazo, ngoba zikuvukele. 11Kodwa kabathabe q bonke abathembela kuwe r, bamemeze kokuphela ngentokozo, ngoba ubavikele; lalabo abathanda ibizo lakho kabajabule kuwe s. 12Ngoba wena Nkosi, uzabusisa olungileyo, uzamhanqa ngomusa njengesihlangu esikhulu t.

Copyright information for Ndebele