Psalms 50:16-21

16Kodwa komubi uNkulunkulu uthi: Ulani lokuthi utshumayele izimiso zami, kumbe uthathe isivumelwano sami emlonyeni wakho ^a? 17Ngoba wena uzonda ukuqondiswa ^b, ulahla amazwi ami emva kwakho ^c. 18Uba ubona isela, uthokozelana lalo, lesabelo sakho sisezifebeni ^d. 19Umlomo wakho uyawunikela ebubini, lolimi lwakho luqambe inkohliso ^e. 20Uhlala ukhulume umelene lomfowenu, uhlebe indodana kanyoko ^f. 21Lezizinto uzenzile, ngathula ^g; wacabanga ukuthi nginjengawe kanye ^h. Ngizakukhuza ⁱ, ngikuhlele phambi kwamehlo akho ^j.

Matthew 23:3-32

3ngakho konke lokhu abalitshela khona ukuthi likugcine, kugcineni likwenze; kodwa lingenzi njengokwemisebenzi yabo ^k, ngoba bayakhuluma bangenzi ^l. 4Ngoba bayabopha imithwalo enzima njalo elukhuni ukuthwalwa, bayibeke emahlombe abantu, kodwa kabafuni ukuyisusa ngomunwe wabo ^m. 5Njalo imisebenzi yabo yonke bayenza ukuze babonwe ngabantu ⁿ; ngoba benza amafilakteriyu* abo abe banzi ^o, njalo bakhulisa intshaka zezembatho zabo ^p; 6bathanda izihlalo zabahloniphekayo ekudleni kwantambama ^q, lezihlalo eziqakathekileyo emasinagogeni ^r, 7lokubingelelwa emidangeni ^{s , t}, lokubizwa ngabantu ngokuthi: Rabi*, Rabi ^u.

8Kodwa lina kalingabizwa ngokuthi Rabi ^v; ngoba munye ongumfundisi wenu, uKristu ^w; njalo lina lonke lingabazalwane. 9Futhi lingabizi muntu emhlabeni ngokuthi nguyihlo ^x; ngoba munye onguYihlo, osemazulwini ^y; 10kalingabizwa ngokuthi lingabafundisi ^z; ngoba munye ongumfundisi wenu, uKristu ^aa. 11Kodwa omkhulu kini ^ab uzakuba yinceku yenu ^ac. 12Lalowo oziphakamisayo, uzathotshiswa; lalowo ozithobayo, uzaphakanyiswa ^ad.

13Kodwa maye kini, babhali labaFarisi, bazenzisi ^ae, ngoba livalela abantu umbuso wamazulu; ngoba kalingeni lina, labangenayo kalibavumeli ukuthi bangene ^af. 14Maye kini, babhali labaFarisi, bazenzisi, ngoba lidla izindlu zabafelokazi, langokuzenzisa lenza imikhuleko emide; ngakho lizakwemukela ukulahlwa okukhulu ^ag. 15Maye kini, babhali labaFarisi, bazenzisi, ngoba libhoda ulwandle lomhlaba ukuthi lenze abe munye ophendukela kumaJuda ^ah, kuthi nxa esenziwe njalo, limenze umntwana wesihogo ngokuphindwe kabili kulani ^ai.

16Maye kini, bakhokheli abayiziphofu ^aj, abathi: Loba ngubani ofunga ngethempeli, akulutho; kodwa loba ngubani ofunga ngegolide lethempeli, ulomlandu ^ak. 17Zithutha leziphofu ^al! Ngoba yikuphi okukhulu, igolide, kumbe ithempeli elenza igolide libe ngcwele ^am? 18Njalo: Loba ngubani ofunga ngelathi, akulutho; kodwa loba ngubani ofunga ngomnikelo ophezu kwalo ^an, ulomlandu. 19Zithutha leziphofu! Ngoba yikuphi okukhulu ^ao, umnikelo, kumbe ilathi elenza umnikelo ube ngcwele ^ap? 20Ngakho ofunga ngelathi ufunga ngalo langakho konke okuphezu kwalo; 21lofunga ngethempeli ufunga ngalo langaye ohlala kulo ^aq; 22lofunga ngezulu ufunga ngesihlalo sobukhosi sikaNkulunkulu langaye ohlala phezu kwaso ^ar.

23Maye kini, babhali labaFarisi, bazenzisi, ngoba lithela okwetshumi kwetshwayi leganga ledile* lekhumini* ^as; liyekele okunzima komlayo, ukwahlulela lesihawu lokholo; belifanele ukwenza lezizinto, lingaziyekeli lalezo ^at. 24Bakhokheli abayiziphofu ^au, likhetha umiyane, kodwa liginye ikamela ^av. 25Maye kini, babhali labaFarisi, bazenzisi, ngoba lihlambulula ingaphandle ^aw yenkezo leyomganu, kodwa ngaphakathi kugcwele ukuphanga ^ax lobuhwaba ^ay. 26MFarisi oyisiphofu! Hlambulula kuqala ingaphakathi yenkezo leyomganu, ukuze kuhlambuluke lengaphandle yakho ^az.

27Maye kini, babhali labaFarisi, bazenzisi ^ba, ngoba lifanana lamangcwaba aconjwe aba mhlophe, abonakala emahle ngaphandle, kanti ngaphakathi agcwele amathambo abafileyo ^bb lokungcola konke ^bc. 28Kunjalo lani ngaphandle libonakala ebantwini lilungile, kanti ngaphakathi ligcwele ukuzenzisa lobubi.

29Maye kini, babhali labaFarisi, bazenzisi, ngoba lakha amangcwaba abaprofethi ^bd, licecise amangcwaba abalungileyo ^be, 30lithi: Uba besikhona ensukwini zabobaba bethu, besingayikuhlanganyela labo egazini labaprofethi. 31Kunjalo liyazifakazela lina ukuthi lingamadodana alabo ababulala abaprofethi ^bf; 32lina-ke gcwalisani ^bg isilinganiso saboyihlo ^bh!