Rom 11 | Ndebele | STEP | Ngakho ngithi: UNkulunkulu ubalahlile yini abantu bakhe ? Phinde ! Ngoba lami ngingumIsrayeli, owenzalo kaAbrahama , wesizwe sikaBhenjamini .

1 Ngakho ngithi: UNkulunkulu ubalahlile yini abantu bakhe ^a? Phinde ^b! Ngoba lami ngingumIsrayeli, owenzalo kaAbrahama ^{c
,} ^d, wesizwe sikaBhenjamini ^e. 2 UNkulunkulu kabalahlanga abantu bakhe ^f abazi ngaphambili ^g. Kumbe kalazi yini kuElija ukuthi umbhalo uthini? Ukuthi walabhela njani kuNkulunkulu emelene loIsrayeli ^h, esithi: 3 Nkosi, babulele abaprofethi bakho, badilizile amalathi akho; mina-ke ngisele ngedwa, sebedinga umphefumulo wami ⁱ. 4 Kodwa impendulo kaNkulunkulu yathini kuye? Yathi: Ngizitshiyele amadoda azinkulungwane eziyisikhombisa, angaguqanga ngedolo kuBhali ^j. 5 Kunjalo-ke kukhona langalesisikhathi insali ngokukhetha komusa ^k. 6 Kodwa uba kungomusa, kakusayi ngemisebenzi; uba kungenjalo umusa kawuseyiwo umusa. Kodwa aluba kusiya ngemisebenzi, kakuseyiwo umusa; uba kungenjalo umsebenzi kawusengumsebenzi ^l. 7 Pho-ke? Lokhu uIsrayeli ayekudinga, lokho kakutholanga, kodwa abakhethiweyo bakuthola, labanye benziwa baba lukhuni ^m; 8 njengokulotshiweyo ukuthi: UNkulunkulu wabanika umoya wobuthongo obukhulu ⁿ, amehlo ukuze bangaboni, lendlebe ukuze bangezwa, kuze kube lusuku lwalamuhla ^o. 9 LoDavida uthi: Itafula labo libe ngumjibila lesifu ^p, lesikhubekiso, lempindiselo kubo; 10 amehlo abo kafiphazwe ukuze bangaboni, njalo ugobise umhlana wabo njalonjalo ^q.

11 Ngakho ngithi: Bakhubeka ukuze bawe yini? Phinde ^r! Kodwa ngesiphambeko sabo usindiso lufikile kwabezizwe ^s, ukubavusela umona ^t. 12 Kodwa uba isiphambeko sabo siyinotho yomhlaba, lokwehluleka kwabo kuyinotho yabezizwe, kakhulu kangakanani ukugcwala kwabo?

Usindiso lwafika kwabezizwe

13 Ngoba ngikhuluma lani bezizwe, njengalokho mina ngingumphostoli wabezizwe; ngikhulisa inkonzo yami ^u; 14 ukuthi mhlawumbe ngibavusele umona abenyama yami ^v, ngisindise ^w abanye babo ^{x
,} ^y. 15 Ngoba uba ukulahlwa kwabo kuyikubuyiswa komhlaba, kungaba yini ukwemukelwa, ngaphandle kokuthi kuyimpilo kwabafileyo ^z? 16 Njalo uba izithelo zokuqala zingcwele ^aa, lenhlama injalo ^ab; uba-ke impande ingcwele, lengatsha zinjalo ^ac. 17 Kodwa uba kwephulwe ezinye ingatsha ^ad, lawe ongumhlwathi weganga waxhunyelelwa phakathi kwazo ^ae, uhlanganyele lazo impande lamafutha omhlwathi ^af, 18 ungazincomi phezu kwengatsha; kodwa uba uzincoma phezu kwazo, kayisuwe othwele impande, kodwa impande wena. 19 Uzakuthi-ke: Ingatsha zephulwa, ukuze mina ngixhunyelwe. 20 Kulungile; zephulwa ngokungakholwa, wena-ke umi ngokholo ^ag. Ungazikhukhumezi ^ah, kodwa yesaba ^ai; 21 ngoba uba uNkulunkulu engayekelanga ingatsha zemvelo, hlezi lawe kayikukuyekela. 22 Khangela-ke ububele lobukhali bukaNkulunkulu; ubukhali, kulabo abawayo; kodwa kuwe, ububele, uba uhlala ebubeleni ^aj; uba kungenjalo uzaqunywa lawe ^ak. 23 Lalabo futhi, uba bengahlali ekungakholweni, bazaxhunyelwa, ngoba uNkulunkulu ulamandla okubuya abaxhume. 24 Ngoba uba wena waqunywa emhlwathini weganga ngemvelo, wasuxhunyelelwa ngokuphambene lemvelo emhlwathini ohlanyelweyo, kakhulu kangakanani labo, abazingatsha ngemvelo, bazaxhunyelelwa esihlahleni sakibo somhlwathi ^al?

UNkulunkulu ulesihawu kubantu bonke

25 Ngoba ngithanda ukuthi lingabi ngabangaziyo, bazalwane, ngalimfihlo ^am, hlezi lizitshaye abahlakaniphileyo ^an, ukuthi ubulukhuni ^ao sebehlele uIsrayeli nganxanye ^ap, kuze kungene ukugcwala kwabezizwe ^aq; 26 ngokunjalo-ke uIsrayeli wonke uzasindiswa ^ar; njengokulotshiweyo ukuthi: Kuzavela ^as eSiyoni uMkhululi ^at, asuse ukungabi loNkulunkulu kuJakobe ^au; 27 njalo yilesi isivumelwano sami kubo, lapho ngizasusa izono zabo ^av. 28 Ngokwevangeli bayizitha ngenxa yenu; kodwa ngokukhetha bangabathandiweyo ngenxa yabobaba ^aw; 29 ngoba izipho zomusa lokubiza kukaNkulunkulu ^ax kakulakuphenduka ^ay. 30 Ngoba njengalokhu lani kade lingamlaleli uNkulunkulu ^az, kodwa khathesi selihawukelwe ngenxa yokungalaleli kwabo; 31 ngokunjalo lalabo khathesi kabalalelanga, ukuze ngesihawu senu bahawukelwe labo ^ba; 32 ngoba uNkulunkulu ubavalele bonke ekungalalelini, ukuze abe lesihawu kubo bonke ^bb. 33 Yeka ukujula kwenotho ^bc, kokubili eyenhlakanipho ^bd leyolwazi lukaNkulunkulu ^be! Kakuphenyeki kangakanani ukwahlulela kwakhe ^bf, lendlela zakhe ^bg kazilandeleki ^bh! 34 Ngoba ngubani owazi ingqondo yeNkosi? Kumbe ngubani owaba ngumeluleki wayo ^bi? 35 Kumbe ngubani owamnika kuqala, njalo kubuyiselwe kuye ^bj? 36 Ngoba konke kuvela kuye ^bk, kungaye ^bl, kuya kuye ^bm; kabube kuye ubukhosi kuze kube nininini. Ameni ^bn.