Zec 8 | Ndebele | STEP | Laselifika ilizwi leN kosi yamabandla lisithi:

1 Laselifika ilizwi leNkosi yamabandla lisithi: 2 Itsho njalo iNkosi yamabandla: Ngilobukhwele ngeZiyoni ngobukhwele obukhulu ^a, yebo, ngilobukhwele ngayo ngokuvutha okukhulu ^b. 3 Itsho njalo iNkosi: Ngibuyele eZiyoni ^c, njalo ngizahlala phakathi kweJerusalema ^d; njalo iJerusalema izakuthiwa ngumuzi weqiniso ^e, lentaba yeNkosi yamabandla ^f, intaba engcwele ^g. 4 Itsho njalo iNkosi yamabandla: Kusezakuhlala amaxhegu lezalukazi ^h ezitaladeni zeJerusalema ⁱ, ngulowo lalowo elodondolo esandleni sakhe ngenxa yobunengi bezinsuku. 5 Lezitalada zomuzi zizagcwala abafana lamankazana bedlala ezitaladeni zawo. 6 Itsho njalo iNkosi yamabandla: Uba kumangalisa emehlweni ensali yalababantu ngalezozinsuku ^j, kungamangalisa lemehlweni ami yini ^k? itsho iNkosi yamabandla. 7 Itsho njalo iNkosi yamabandla: Khangela, ngizasindisa abantu bami ^l elizweni lempumalanga ^m, lelizweni lokutshona kwelanga ⁿ; 8 ngibalethe, bahlale phakathi kweJerusalema; njalo bazakuba ngabantu bami, lami ngibe nguNkulunkulu wabo ^o, ngeqiniso langokulunga ^p.

9 Itsho njalo iNkosi yamabandla: Izandla zenu kaziqine ^q, lina elizwayo ngalezinsuku amazwi la ngomlomo wabaprofethi ^r, ababekhona mhla isisekelo sendlu yeNkosi yamabandla sibekwa ^s, ukuze ithempeli lakhiwe. 10 Ngoba ngaphambi kwalezonsuku ^t kwakungelaholo lomuntu, kwakungekho iholo lenyamazana ^u; futhi kungekho ukuthula kulowo owayephuma kumbe owayengena ngenxa yenhlupheko ^v; ngoba ngathuma wonke umuntu ngulowo emelene lomakhelwane wakhe. 11 Kodwa khathesi kangiyikuba kunsali yalababantu njengensukwini zakuqala ^w, itsho iNkosi yamabandla. 12 Ngoba inhlanyelo ^x izaphumelela ^y, ivini lithele ^z izithelo zalo ^aa, lomhlabathi uphe isivuno sawo ^ab, lamazulu aphe amazolo awo ^ac; njalo ngizakwenza insali yalababantu ukuthi idle ilifa lazo zonke lezizinto ^ad. 13 Kuzakuthi-ke njengoba laliyisiqalekiso phakathi kwabezizwe ^ae, wena ndlu kaJuda, lawe ndlu kaIsrayeli, ngokunjalo ngizalisindisa ^af, libe yisibusiso ^ag. Lingesabi ^ah, izandla zenu kaziqine ^ai. 14 Ngoba itsho njalo iNkosi yamabandla: Njengoba nganginakane ukwenza okubi kini ^aj, lapho oyihlo bengithukuthelisa ^ak, itsho iNkosi yamabandla, njalo kangizisolanga ^al; 15 ngokunjalo ngibuye ngacabanga kulezinsuku ukwenza okuhle kuyo iJerusalema lakuyo indlu kaJuda ^am; lingesabi ^an.

16 Lezi yizinto elizazenza: Khulumani iqiniso, ngulowo lalowo kumakhelwane wakhe ^ao; yehlulelani iqiniso ^ap lesahlulelo sokuthula ^aq emasangweni enu ^ar. 17 Lingacabangi ububi enhliziyweni yenu ^as ngulowo lalowo emelene lomakhelwane ^at; lingathandi isifungo samanga ^au; ngoba zonke lezizinto yilezo engizizondayo, itsho iNkosi.

18 Ilizwi leNkosi yamabandla laselifika kimi, lisithi: 19 Itsho njalo iNkosi yamabandla: Ukuzila ukudla kwenyanga yesine, lokuzila ukudla ^av kweyesihlanu, lokuzila ukudla ^aw kweyesikhombisa, lokuzila ukudla ^ax kweyetshumi, kuzakuba yintokozo, lokuthaba ^ay, lezikhathi ezimisiweyo ^az zezinjabulo kuyo indlu yakoJuda. Ngakho thandani iqiniso ^ba lokuthula ^bb.

20 Itsho njalo iNkosi yamabandla: Kusezakwenzeka ukuthi kufike abantu labahlali bemizi eminengi. 21 Labahlali bomunye umuzi bazakuya komunye, besithi: Kasihambeni ngokuphangisa ^bc ukuyancenga phambi kweNkosi, lokudinga iNkosi yamabandla; lami ngizahamba. 22 Yebo, kuzakuza abantu abanengi lezizwe ezilamandla ukuzadinga iNkosi yamabandla eJerusalema ^bd, lokuncenga phambi kweNkosi. 23 Itsho njalo iNkosi yamabandla: Ngalezonsuku kuzakuthi abambe ^be amadoda alitshumi ^bf ezindimini zonke zezizwe ^bg, yebo abambe ^bh umphetho wesembatho somuntu ongumJuda ^bi, athi: Sizahamba lani; ngoba sizwile ukuthi uNkulunkulu ulani ^bj.