Jos 22:1-6 | SwhKC | STEP | Ndipo Yoshua akawaita Wareubeni, Wagadi na nusu ya kabila la Manase,

Joshua 22:1-6

Makabila Ya Mashariki Yarudi Nyumbani

1 ^aNdipo Yoshua akawaita Wareubeni, Wagadi na nusu ya kabila la Manase, 2 ^bnaye akawaambia, “Mmeshafanya yale yote Musa mtumishi wa Bwana aliyowaamuru, nanyi mmenitii kwa kila jambo nililowaamuru. 3 Kwa muda mrefu sasa, hadi siku hii ya leo, hamkuwaacha ndugu zenu, bali ninyi mmetimiza ile kazi Bwana Mwenyezi Mungu wenu aliyowapa. 4 ^cSasa kwa kuwa Bwana Mwenyezi Mungu wenu amewapa ndugu zenu pumziko kama alivyoahidi, rudini nyumbani mwenu katika nchi ile ambayo Musa mtumishi wa Bwana aliwapa ng’ambo ya Yordani. 5 ^dLakini mwe waangalifu sana kushika amri na sheria zile Musa mtumishi wa Bwana alizowapa: yaani kumpenda Bwana Mwenyezi Mungu wenu na kuenenda katika njia zake zote, kutii amri zake, kushikamana naye kwa uthabiti na kumtumikia kwa moyo wenu wote na roho yenu yote.”

6 ^eNdipo Yoshua akawabariki na kuwaaga waende zao, nao wakaenda nyumbani mwao.