Mat 13:31-33 | YomNWM | STEP | Yesu wuba kamba nongo yinkaka : —Kipfumu ki Diyilu kidedakani banga luteti lu mutalide. Mutu wumosi wubonga luawu ayi wukuna luawu mu tsolꞌandi.

Matthew 13:31-33

Nongo yi luteti lu mutalide ayi yi luvi

(Malako 4.30-32 ; Luka 13.18-19)

31 Yesu wuba kamba nongo yinkaka :

—Kipfumu ki Diyilu kidedakani banga luteti lu mutalide. Mutu wumosi wubonga luawu ayi wukuna luawu mu tsolꞌandi. 32 Luteti beni luviokidi zitheti zioso mu keva vayi enati lumenini buna lumviokanga bikunusu bioso mu kula ayi lunkitukanga nti. Muawu zinuni zieti kuiza ayi vanga zindiala ziawu mu matafi mandi.

(Luka 13.20-21)

33 Wuba kamba nongo yinkaka :

—Kipfumu ki Diyilu kidedakani banga luvi lolo nketo kabongidi ayi sobikisidi luawu mu bitezo bitatu bi falina ^{▼▼Bitezo bitatu bi falina : bifuanikini nduka-nduka mu makumuadi ma bikilu bi falina.} nate yimvimbisa falina yoso.