1Ch 1:43-54 | ZomZIV | STEP | Hihte in Israel kumpi khatpeuh in a uk ma-a Edom a uk kumpite ahi uh hi: Beor tapa Bela, ama khuapi min Dinhabah.

1 Chronicles 1:43-54

Edom Gam-ukte

43 Hihte in Israel kumpi khatpeuh in a uk ^{▼▼1.43 Ahikeh Israel kumpi khat in amaute a uk ma in} ma-a Edom a uk kumpite ahi uh hi:
Beor tapa Bela, ama khuapi min Dinhabah.
44 Bela a sih ciangin Bozrah a Zerah tapa Jobab in a kumpi za a luah hi.
45 Jobab a sih ciangin Tema-te gam pana Husham in a kumpi za a luah hi. ^b
46 Husham a sih ciangin, Moab gama Midian a zopa Bedad tapa Hadad in a kumpi za a luah hi. Ama khuapi min Avith ahi hi.
47 Hadad a sih ciangin, Masrekah pana Samlah in a kumpi za a luah hi.
48 Samlah a sih ciangin gun ^{▼▼1.48 Euphrates hi thei ding} tunga om Rehoboth pana Shaul in a kumpi za a luah hi.
49 Shaul a sih ciangin Acbor tapa Baal-Hanan in a kumpi za a luah hi.
50 Baal-Hanan a sih ciangin Hadad in a kumpi za a luah hi. Ama khuapi min Pau ^{▼▼1.50 Hebrew khutgelh tampi, Septuagint khutgelh pawlkhat, Vulgate le Syriac (Pc 36:39); Hebrew khutgelh tampen ah pai} hi-a a zi min Mehetabel hi-in, Me-Zahab tunu, Matred tanu ahi hi. 51 Hadad zong a si hi.
Edom Ukpite:
Timna, Alvah, Jetheth, 52 Oholibamah, Elah, Pinon, 53 Kenaz, Teman, Mibzar, 54 Magdiel le Iram. Hihte Edom ukpite ahi hi.