1 John 2
1Kong it ka tate aw, na mawh loh nadingun hih thu kong gelh hi. Ahi hangin mi khatpeuh in mawhna a bawl khak leh eite hong guma Pa kiangah hong gensak ding mi khat - Thumaan Pa Jesu Christ i nei hi. 2Amah, eite mawhnate thoihdamna dingin biakpiakna hi-a, eite ading bek hi lo leitung buppi mawhnate thoihdam nadinga ▼▼2.2 Ahikeh Amah pen Pasian thangpaihna a kipelhsak pa, ei mawhna bek hilo, leitung buppi mawhna teng zong a lakhiamangpa ahi hi
biakpiakna zong ahi hi. b 3 Ama thupiakte i zuih leh amah i thei zo cih i thei hi. 4“Amah ka thei hi,” a ci mi in ama thupiakte a zuih kei leh zuauphuak hi-a, ama sungah thutak a om kei hi. 5Ahi hangin mi khatpeuh in ama thu a mang leh Pasian itna ▼▼2.5 Ahikeh kammal, Topa ading itna
ama sungah a kicing takpi hi. Hih in ama sunga i om lam a kitheihna ahi hi: 6‘Ama sungah ka nungta hi,’ a ci peuhmah, Jesu gamtat bangin a gamta pelmawh ding hi. d 7 Kong it lawmte aw, note kiangah thupiak thak kong gelh kei-a, a cil pana na neihsa uh a lui pen mah ahi hi. Hih thupiak lui, na zaksa uh thupuak mah ahi hi. 8Tua hi napi thupiak thak khat hong gelh ka hi hi; khuamial bei zo a, thumaan khuavak tang khin zo ahi manin amah le note sungah a thutak kimu zo hi. 9 Mi khatpeuh in khuavak sungah ka om hi, ci napi in a sanggampa a muhdah leh khuamial sunga om lai ahi hi. 10Ama sanggampa a it mi peuhmah khuavak sunga a nungta hi a, ama ▼▼2.10 Ahikeh tua
sungah a muktusak ding bangmah a om kei hi. 11Ahi hangin a sanggampa a mudah peuhmah khuamial sunga om hi-a khuamial sunga vak kawikawi ahi hi. Khuamial in a mit tawsak ahi manin a pai nading mel a thei kei hi. f 12 Kong it tate aw,ama min hangin na mawhnate uh kimaisak khin zo ahi manin note lai kong khak hi.
13 Pate aw, a tunga kipan a omsa pa,
thei zo na hi manun note lai kong khak hi. g
Khangnote aw, a gilopa zo khin zo na hi manun
note lai kong khak hi.
Kong it tate aw, Pa thei khin na hi manun
note lai kong khak hi.
14 Pate aw, a tunga kipan a omdensa pa thei zo na hi manun,
note lai kong khak hi. h
Khangnote aw,
note thakhauhin note sungah
Pasian thu teng a,
a gilopa zo khin na hi manin note lai kong khak hi.
Leitung It Kei Un
15 Leitung ahikeh a sunga om nate khatpeuh it kei un. Mi khatpeuh in leitung a it leh ama sungah Pa itna a om kei hi. 16Ahang in, leitunga om na khempeuh: mawhdim mi lunggulh-luatnate, mittang etlahnate, neihsa le sepsa kisialhpihnate, Pa tung pana hong pai hi loin leitung pan ahi hi. 17Leitung le ama deihna mangthang lel a, ahi hangin Pasian deihna bangin a gamta mi a nungta tawntung hi. iAntichrist-te Vauhilhna
18 Kong it tate aw, hih hun, hun nunung ahi hi. Hong pai ding ci-a na zaksa uh antichrist bangin tu nangawnin antichrist tampi hong pai zo uh hi. Hih bangin hun nunung ahilam i thei hi. 19Amaute, eite lak pana paikhia ahi uh hi. Ahi hangin eite aa taktak ahi kei uh hi. Ahang in, eite aa taktak hi uh hileh eite lak mah ah omden ding uh hi. Ahi hangin amaute paikhiatna in, amaute khat beek eite aa ahi lohna uh hong lak hi. 20 Ahi hangin note, Siangtho Pa sathau nilhsa na hi uh a, na vekun thutak ▼▼2.20 Khutgelh pawlkhatah na khempeuh na thei uh hi
na thei uh hi. 21Thutak na theih loh manun note lai hong khak ka hi kei a, thutak na theih hang uh le tua thutak pana zuauthu a pian loh hanga hong khak ka hizaw hi. 22A zuaupa kua ahi hiam? Jesu in Christ ahi hi, cih thu a nial mi a zuaupa ahi hi. Tua bang mi antichrist hi-a, amah in Pa le Tapa a nial hi. 23Tapa a nial peuhmah in Pa a nei kei hi. Tapa a sang peuhmah in Pa zong a nei hi. k 24 A tunga na zaksa mah uh note sungah omden hiam, cih na ki-entel un. A om leh Tapa sung le Pa sungah note zong na omden ding uh hi. 25Amah in eite hong kamciam, hih nuntak tawntungna mah ahi hi. 26 Note lam pialsak hong sawmte tawh kisai-in hih thute kong gelh hi. 27Note na hi uh leh ama sathau nilhna na ngah uh, no sungah omden a, note hong hilh ding kuamah na kisam kei uh hi. Ahi hangin ama hong sathau nilhna in na khempeuh thu hong hilh bangin tua sathau nilhna a lim bek hi lo hi, a taktak ahi hi, note hong hilhsa bang tektekin ama sungah na omden un. l Pasian Tate
28 Tu-in kong it tate aw, amah hong pai-a hong kilat ciangin ama mai-ah maizumna om lo-a, kimuangtaka i om theih nadingin ama sungah omden un. m 29 Amah a thumaan hi, cih na theih uh leh thumaan a hih peuhmah ama sunga suak ahi hi, cih na thei uh hi. n
Copyright information for
ZomZIV