1Ki 6:29-35 | ZomZIV | STEP | Biakinnpi sunglam le a pua lama inndeite kawm tung khempeuh ah cherub le nisuh le pakpalh limte a khuak hi.

1 Kings 6:29-35

29 Biakinnpi sunglam le a pua lama inndeite kawm tung khempeuh ah cherub le nisuh le pakpalh limte a khuak hi. 30 Amah in biakinnpi sungnung sual le a puanung sual a nihin kham tawh a tuam hi. ^a

31 Munsiangtho sungnunga lut nading kongkhakte olive sing bawl a, kongmung siik nga a neisak hi. 32 Tuateh olive kongkhak nihte tungah amah in cherub-te, nisuh kungte le pak palhte khuak a, cherub-te le nisuh kungte kham kiseekin a tuam hi. 33 Tua tawh kibangin inn sungpi lutna zong olive singin bawla siikli a neisak hi. 34 Amah in taksing kongkhak nihte khep nih nei-in bawl tuaka kawmhekin a kihek hi. 35 Amah in tuate tungah cherub-te, nisuh kungte le pakpalhte khuak-a tua a kikhuakna munte ah a mai dikdekin kham a luan hi.