1 Samuel 16
Samuel in David Sathau Nilh
1TOPA in Samuel kiangah, “Israel kumpi dingin Saul ka nolh nungsang ama adingin bangtan vei thum lai ding na hi hiam? Na saki sungah sathau thun inla kithawi in; Bethlehem a Jesse kiangah kong sawl ding hi. A tapate khat kumpi dingin ka teel khin hi,” a ci hi. a 2 Ahi hangin Samuel in, “Bangci pai ding ka hi hiam? Saul in za dinga kei hong that ding hi,” a ci hi. TOPA in, “Bawngla khat keng inla, ‘TOPA tungah biakna pia dingin kong pai hi,’ ci in. 3Na biakpiakna ah Jesse sam in, na hih ding kong lak na ding hi. Kong lah pen sathau nong nilhsak ding hi,” a ci hi. b 4 Samuel in TOPA cih bangbangin a hih hi. Amah Bethlehem tunga khua upate tawh a kimuh uh ciangin amaute a ling uh hi. Amaute in, “Lemthu-a hong pai na hi hiam?” a ci uh hi. c 5 Samuel in, “Himah, lemthu hi; TOPA tungah biakna pia dinga hong pai ka hi hi. No le no kisiansuah unla biakpiakna ah kei hong zui un,” ci-in a dawng hi. Tua ciangin Jesse le a tapate siansuah a biakna pia dingin a sam hi. d 6 Amaute a tun uh ciangin Samuel in Eliab mu a, “TOPA sathau nilhpa hih lai TOPA mai-ah ding takpi hi,” ci-in a ngaihsun hi. e 7 Ahi hangin TOPA in Samuel kiangah, “Ama meel ahi-a, a tun sanna ahi zongin ngaihsun kei in amah ka nialsa ahi hi. TOPA in nate mihingte et bangin en lo hi. Mihing in a kilangkhia a puatham en a,TOPA in ahileh a lungsim a en hi,” a ci hi. f 8 Tua ciangin Jesse in Abinadab sama Samuel mai-ah a kilaksak hi. Ahi hangin Samuel in, “TOPA in hihpa zong a teel kei hi,” a ci hi. 9Tua ciangin Jesse in Shammah kilaksak-a ahi hangin Samuel in,” TOPA in hihpa zong a teel tuan kei hi,” a ci hi. 10Jesse in a tapa sagihte Samuel mai-ah kilaksaka, ahi hangin Samuel in, “TOPA in hihte a teel kei hi,” a ci hi. 11Tua ciangin Jesse kiangah, “Na tapate a vekin hih teng ahi hiam?” ci-in a dong hi. g Jesse in, “A tum pen om lai hiven amah tuu cing hi,” ci-in a dawng hi. Samuel in, “Samsak dih in; amah hong tun mateng tu ▼▼16.11 Septuagint khutgelh pawlkhat; Hebrew i kikaikhawm kei ding hi.
nai kei dih ni,” a ci hi. 12 Tua ciangin samsak-a a kipaipih hi. Amah a cisan suakin a maisuah kilawma a mel hoihin a duang kitawi linlian hi. i Tua ciangin TOPA in, “Ding inla amah sathau nilh in; kong genpa amah ahi hi,” a ci hi. 13 Tua ciangin Samuel in sathau koihna saki la-a a sanggampate omin sathau a nilh hi; tua ni-a kipan David tungah TOPA Kha vanglianin a tung hi. Tua khit ciangin Ramah ah Samuel a pai hi. j Saul Nasepna ah David
14 Tu-in TOPA Kha in Saul nusia-a TOPA kiang pana kha gilo ▼▼16.14 Ahikeh a liamsak tg. 15, 16 le 23 ah zong
in amah a thuaksiasak hi. l 15 Saul a cingte in, “En in, Pasian kiang pana kha gilo in nang hong thuaksiasak hi. 16Ka topa un harp tum thei khat na nasemte zongsak in. Pasian kiang pan kha gilo na tungah hong tun ciangin aman tum dinga na nuamtuam ding hi,” a ci uh hi. m 17 Tua ciangin Saul in a sawltakte kiangah, “A tum siam khat zong unla ka kiangah hong paipih un,” a ci hi. 18 A nasemte khat in, “Ke’n Bethlehem a Jesse’ tapa harp tum thei khat ka mu hi. Amah ahang galdo siam khat ahi hi. Amah thugen siamin a mel hoih khat ahi hi. Tuateh TOPA in amah a ompih hi,” ci-in a dawng hi. n 19 Tua ciangin Saul in Jesse kiangah kamtai khat sawla, “Tuu tawh a omkhawm na tapa David ka kiangah hong paisak in,” a cisak hi. 20Tua ciangin Jesse in laa khat tungah anlum, zu savun-um khat le keelno khat tawh Saul kiangah a tapa David a paisak hi. o 21 Saul kiangah David tunga a nasemin a om hi. Saul in amah ngai mahmah a, David a galhiam puate khat a suak hi. 22Tua ciangin Saul in Jesse kiangah, “David tawh ka om ciangin lungkim mahmah ka hi manin ka nasemin David a om ding hong phal in,” ci-in kam a vaikhak hi. p 23 Saul tungah Pasian kiang pana kha a tun simin David in a harp la-in a tum hi. Tua ciangin Saul damtuam a; amah nuamtuamin kha gilo in amah a nusia hi. q
Copyright information for
ZomZIV