1Sa 27:8-12 | ZomZIV | STEP | Tu-in David le a mite kuanto uh a, Geshur-te, Girz-te le Amalek-te a sim uh hi. (Tanglai pekin hih mite Shur le Egypt gam dongah a teng uh hi.)

1 Samuel 27:8-12

8 Tu-in David le a mite kuanto uh a, Geshur-te, Girz-te le Amalek-te a sim uh hi. (Tanglai pekin hih mite Shur le Egypt gam dongah a teng uh hi.) 9 David in gamhuam khat a sim nak leh numei pasal a hingin nusia lo a, ahi hangin tuu, bawng, laa le kalaoh le puante a la hi. Tua ciangin Achish kiangah a ciah hi. ^a

10 Achish in, “Tuni-in kua va sim na hiam?” ci-a a dot ciangin David in, “Judah-te Negev gam, a cih kei leh Jerahmeel-te Negev gam a cih kei leh Ken-te Negev gam,” a ci hi. 11 Amah in numei ahi a pasal ahi zongin a hingin Gath ah a tunpih kei hi. Ahang in, “Kote thu amaute in ko in, ‘Hih in David hih ahi hi,’ ci kha ding uh hi,” ci-in a ngaihsun hi. Philistia-te gam sungah a ten lai teng tua bangin a hih hi. 12 Achish in David muanga,” A mipih Israel-te in amah mudah uh ahi manin amah a tawntungin ka nasem a suak ding hi,” ci-in a ngaihsun hi.