2Ch 36:5-8 | ZomZIV | STEP | Jehoiakim kumpi a suahin kum sawmnih le nga hi-a, Jerusalem ah kum sawm le khat sung a uk hi. Amah TOPA a Pasian muhna ah a sia-in gamta hi.

2 Chronicles 36:5-8

Judah Kumpi Jehoiakim

5 Jehoiakim kumpi a suahin kum sawmnih le nga hi-a, Jerusalem ah kum sawm le khat sung a uk hi. Amah TOPA a Pasian muhna ah a sia-in gamta hi. 6 Babylon kumpipa Nebuchadnezzar amah sim dingin kuanto-a Babylon a paipih dingin kol a bulh hi. 7 Babylon kumpipa Nebuchadnezzar in TOPA biakinnpi ^{▼▼36.7 Ahikeh kumpi inn} sunga vanzatte zong Babylon ah la a, tua lai-a ama biakinnpi ah a koih hi. ^b

8 Jehoiakim uk sunga a sep dangte a kihhuai na a sepnate le amah pana kimu a ginatlohnate khempeuh Judah le Israel kumpite laibu sungah kigelh hi. Tuateh a tapa Jehoiachin in a kumpi za a luah hi. ^c