Deu 14:3-20 | ZomZIV | STEP | A kihhuai na khatpeuh ne kei un.

Deuteronomy 14:3-20

3 A kihhuai na khatpeuh ne kei un. 4 Na nek theih ding uh ganhing hihte ahi hi: bawng, tuu, keel, 5 sazuk, sanang, zukzil, sathak, saza, zuksial le gamtuu ^{▼▼14.5 Hih khenpi sunga gamsate le vasate pawlkhat a cihnopna linlian kician lo hi.} ahi hi. 6 Note in a khecin niha ka eknel hai ganhing peuhmah na ne thei ding uh hi. 7 Ahi zongin a khecin ka in eknel hai taleh kala-oh, bilpi ahikeh gam bilpi ^{▼▼14.7 Tua in hyrac ahikeh sakikh} na ne kei ding uh hi. Tuate in eknel a hai uh hangin a khecin uh ka lo a; no adingin thukham in a ninsak hi. 8 Vok in zong khecin ka a neih hangin eknel hai lo ahi manin a nin ahi hi. A sa lah ne loin a sisa zong na lawng kei ding uh hi. ^c

9 Tui sunga nungta ganhing, lip le phe a nei khempeuh na ne thei ding uh hi. 10 Ahi hangin lip le phe a nei lo peuhmah na ne kei ding uh hi; tuate anin ahi hi.

11 Vasa, a siang peuhmah na ne thei ding uh hi. 12 Ahi hangin na nek loh dingte uh: muvanlai, musane, lui mu, 13 mupi, mumeika, musi nam peuhmah, 14 va-ak nam peuhmah, 15 simbutal, chikchili, vakang, pengpelep nam peuhmah 16 keising, simbupi, simbukang 17 sehnel-gam simbu, tui mu, tui vatawt, 18 gun vakang, vasa zo nei nam peuhmah huihtun le bak-te ahi hi.

19 A lengthei a hon om insects khempeuh no adingin anin ahi hi; tuate ne kei un. 20 Ahi hangin kha nei ganhing a siang peuhmah na ne thei ding uh hi.