Deuteronomy 27:15-26
15 “A kikhuak kuak ahi a, a kisung ahi zongin lim khatpeuh a bawlte -khutsiamte bawl TOPA in a kih milim a koih simte in hamsiatna thuak ta uh hen,” ci ding uh hi. aTua ciangin Israel mipi khempeuh in, “Amen!” ci ding uh hi. 16 “A nu le a pa a pahtawi lote in hamsiatna thuak ta hen,” ci ding uh hi. b
Tua ciangin mipi khempeuh in, “Amen!” ci ding uh hi. 17 “A vengte kigisuang khinte in hamsiatna thuak ta hen,” ci ding uh hi. c
Tua ciangin mipi khempeuh in, “Amen!” ci ding uh hi. 18 “Mittawpa lam a pialsakpa in hamsiatna thuak ta hen,” ci ding uh hi. d
Tua ciangin mipi khempeuh in, “Amen!” ci ding uh hi. 19 “Pemtate, pa nei lote le meigong numeite’ thutang a lehheisakte in hamsiatna thuak ta uh hen,” ci ding uh hi. e
Tua ciangin mipi khempeuh in, “Amen!” ci ding uh hi. 20 “A pa’ zi a luppihte in a pa lupna daisak ahi manin hamsiatna thuak ta hen,” ci ding uh hi. f
Tua ciangin mipi khempeuh in, “Amen!” ci ding uh hi. 21 “Ganhing khatpeuh a luppihte in hamsiatna thuak ta hen,” ci ding uh hi. g
Tua ciangin mipi khempeuh in, “Amen!” ci ding uh hi. 22 “A sanggamnu, a pa tanu, a nu’ tanu a luppih peuhmah in hamsiatna thuak ta hen,” ci ding uh hi.
Tua ciangin mipi khempeuh in, “Amen!” ci ding uh hi. 23 “A sungnu a luppihte in hamsiatna thuak ta hen,” ci ding uh hi.
Tua ciangin mipi khempeuh in, “Amen!” ci ding uh hi. 24 “A vengpa a that simte in hamsiatna thuak ta hen,” ci ding uh hi.
Tua ciangin mipi khempeuh in, “Amen!” ci ding uh hi. 25 “Mawhpeng khat thah nadingin golhsum a sangte in hamsiatna thuak ta hen,” ci ding uh hi. h
Tua ciangin mipi khempeuh in, “Amen!” ci ding uh hi. 26 “Hih thukham kammalte lenkip loin a phikhate in hamsiatna thuak ta hen,” ci ding uh hi. i
Tua ciangin mipi khempeuh in, “Amen!” ci ding uh hi.
Copyright information for
ZomZIV