Exo 2:11-15 | ZomZIV | STEP | Nikhat Moses a khan khit ciangin, a mipihte omna-ah pai-a haksapi-a na a sepna uh a va en hi. Egypt-te khat in a mipih Hebrew-te khat a sat a mu hi.

Exodus 2:11-15

Midian ah Moses Tai

11 Nikhat Moses a khan khit ciangin, a mipihte omna-ah pai-a haksapi-a na a sepna uh a va en hi. Egypt-te khat in a mipih Hebrew-te khat a sat a mu hi. 12 Akiim-apam en-a, kuamah a muh loh ciangin Egypt pa thatin, sehnel lakah a phualsel hi. 13 A zing ciangin vakkhia a, Hebrew-te nih a kilai a mu hi. A khialzawpa kiangah, “Bang hanga nang na mipih Hebrew pa sat na hi hiam?” ci-in a dong hi. ^a

14 Tuapa in, “Ko tunga thukhen dingin kua in nang ukpa-a hong koih ahi hiam? Egypt pa na thah bangin kei thah hong sawm na hi hiam?” a ci hi. Tua cianign Moses lau-a, “Ka gamtatnasa kithei hi pelmawh ding hi,” ci-in a ngaihsun hi.

15 Pharaoh in hih thu a zak ciangin Moses thah a sawm hi; ahi hangin Pharaoh kiang pan Moses tai-in Midian ah teng dingin pai-a tuikhuk gei khatah a tu hi.