Exo 27:1-8 | ZomZIV | STEP | “Singkha singin biakna-tau tong thum a sang khat dawh in; tua pen a ningkim hi dinga, tong nga sau-in tong nga zai ding hi.

Exodus 27:1-8

Meihal Biakna-tau

1 “Singkha singin biakna-tau tong ^{▼▼27.1 Tua pen pi 4 ½ bang (meter 1.3)} thum a sang khat dawh in; tua pen a ningkim hi dinga, tong nga sau-in tong nga zai ^{▼▼27.1 Tua pen pi 7 ½ bang (meter 2.3 bang) sau in zai hi.} ding hi. 2 A kiu lite ah ki neisak ciat-in, a ki le biakna-tau sakhat ahi theih nadingin biakna-tau sumngo-in luan in. 3 Van kizang khempeuh - vutbeelte, vutluahnate le thehna kuangkum, salepna sikkate le meiluahnate sumngo-in bawl in. 4 Tua-a zat dingin sumngo-in len phan inla akiu lite ah sumngo kual li vawh in. 5 Siklen in biakna-tau kim ciang a bat toh theih nadingin tua sikkualte biakna-tau khinta nuaiah omsak in. 6 Biakna-tau a zat ding singkha zawl sui inla, tuate sumngo tawh luan in. 7 Biakna-tau a kipuak ciangin tuate a pang lang tuakah a om nadingin a zawlte sikkual bil sungah khum in. 8 Tua biakna-tau singpek tawh bawl inla, a sung hawmsak in. Mual tunga nang hong kilaksa bang tektek hi ding hi. ^c