Gen 3:1-7 | ZomZIV | STEP | TOPA Pasian bawlsa gamsa khempeuh sangin gulpi khem a siam zaw hi. Amah in numei kiangah, “Pasian in, ‘Huan sunga sing khatpeuh pan na ne kei un,’ hong ci takpi hiam?” a ci hi.

Genesis 3:1-7

Mihing Pukna

1 TOPA Pasian bawlsa gamsa khempeuh sangin gulpi khem a siam zaw hi. Amah in numei kiangah, “Pasian in, ‘Huan sunga sing khatpeuh pan na ne kei un,’ hong ci takpi hiam?” a ci hi. ^a

2 Numei in gulpi kiangah, “Huan sunga singte panin a gah ka ne thei ding uh hi; 3 ahi hangin Pasian in bel, ‘Huan laizanga sing panin a gah na ne kei ding uh a, zong na lawng peuhmah kei ding uh hi; na hih uh leh na si ding uh hi,’ hong ci mah hi,’ a ci hi.

4 Gulpi in numei kiangah, “Na si peuhmah kei ding uh hi, 5 ahang in tua na nek uh ciangin na mit uh kihong dinga, Pasian tawh kibangin sia le pha na theih ding uh Pasian in thei hi,” a ci hi. ^b

6 Numei in tua singgah a muh ciangin nek dingin limci sa-a, a mit la keei a, pilna zong ngah nuam ahi manin tawmkhat la-in a ne hi. Amah tawh a omkhawm a pasal zong tawmkhat pia-a, a pasal in a ne hi. 7 Tua ciangin a nih un a mit uh kihonga, guaktang ahina uh a kithei tel uh hi; tua ciangin theiteh khuituah uh a amau le amau kituamna-in bawl uh hi. ^c