Genesis 6:13-22
13Tua ahi manin Pasian in Noah tungah, “Ngongtatna tawh leitang kidim ahi manin, amaute hangin mi khempeuh ka beisak ding hi. Leitung le a mite a nih in ka susia khawm taktak ding hi. 14Tua ahi ciangin cypress ▼▼6.14 Hih kammal Hebrew ah a cihnopna taktak kician lo.
tawh gunkuang-pi khat bawl in; a sungah dei omsak inla, a sung le a pua ah kultar in zut in. 15Na bawlzia ding hih bang ahi hi: Gunkuangpi pi 450 sausak in, pi 75 zaisak inla pi 45 sang ▼▼6.15 Hebrew ah tong 300 sau, tong 50 zai, tong 30 sang.(meter 400 bang sau, meter 23 zai, meter 13.5 sang)
sak in. 16A tung zong lam inla, a tunglam khutpi 18 ▼▼6.16 Hebrew ah tong khat (meter 0.5 bang)
awngsakin tua ciangin mansak ▼▼6.16 Ahikeh na mansiang nading ah khuavak lut nading a vang khat bawl in
in. Gunkuangpi pangah kongkhak khat bawl inla sual, a tungnung, a laita le a nuainung bawl in. 17Keimah in vante nuai-a om khempeuh, a sunga husang ganhing khempeuh a susia dingin tuiciin ka tungsak ding hi. Leitung a na khempeuh ka sia mangsak ding hi. 18Ahi hangin nang tawh thukhun ka bawl ding hi. Nang, na tate, na zi, na tate zite tawh - gunkuangpi sungah na lut ding uh hi. 19Na gunkuangpi sungah nuntakna a nei ganhing khempeuh nih ciat - a nu le a pa, na khum dinga na khawi ding hi. 20Vasa nam, ganhing nam, leitunga a bokvak ganhing nam ciat panin nih ta na kiangah hong pai ding uh a, a nungta dingin na kem ding hi. 21Nang le tuate an dingin nek theih namkim khol in,” a ci hi. e 22 Noah in Pasian thupiak bang tektekin na khempeuh a hih hi. f
Copyright information for
ZomZIV