Isa 1:11-20 | ZomZIV | STEP | TOPA in, “Tua zahta-a tam na biakpiakna uh - kei adingin banga kimang ahi hiam?” ci hi. “Tuutalte le ganhing vakthaute’ thaute tawh meihal biaknate ka kham lua ta hi. Bawngtalte, tuunote le keelte sisan tawh ka lungkim kei hi.

Isaiah 1:11-20

11 TOPA in, “Tua zahta-a tam na biakpiakna uh -
kei adingin banga kimang ahi hiam?” ci hi.
“Tuutalte le ganhing vakthaute’ thaute tawh
meihal biaknate ka kham lua ta hi. ^a
Bawngtalte, tuunote le keelte sisan tawh
ka lungkim kei hi. ^b
12 Kei tawh kimu dinga nong pai ciangun
ka inntualte hih banga tuancil dingin
kua in hong sawl hiam?
13 A khiatna nei lo biaknate hong kengkeng nawn kei un! ^c
na gimnamtui uh ka kih hi. ^d
Kha det nite, Sabbath-te le kikhopna thupite - ^e
na gitloh kikhopnate uh ka thuakzo nawn kei hi.
14 Na Khadet pawite uh le na pawi tuamtuamte uh
ka hinna-in ka mudah hi. ^f
Tuate kei adingin vangik suak a; ^g
tuate pua-in ka gim hi.
15 Na khut uh zakin thu na nget uh ciangin
ka mai kong selsan hi; ^h
thu tampi na nget uh hangin
ka ngai tuan kei ding hi. ⁱ
Na khutte uh sisan tawh kidim hi;
16 sil unla no le no kisiangsak un! ^j
Na gamtatsiate uh
ka muhna ah sem nawn kei un!
Na bawlbawl uh khialhnate tawpsan unla,
17 thumaan sin un! ^k
Thutang zong un,
a kinengniamte ^{▼▼1.17 Ahikeh / a nuainette na tai uh a} hanthawn un.
Pa nei lote hu unla,
meigongte thu gensak un. ^m
18 “Tu-in hong pai un, kikumkhawm dih ni,”
TOPA in ci hi. ⁿ
“Na mawhnate uh ausan bangin a san hangin
vuk bangin a pak ding hi; ^o
kheisan bangin a san hangin
tuumul bangin ngo ding hi. ^p
19 Note in utin thu na man uh leh
na gamsungua piang a hoih pen na ne ding uh a; ^q
20 ahi hangin hong langpanga nong lehdo uh leh
namsau in hong nawmvalh ding hi,” ^r

Ahang in, TOPA kam in a gensa ahi hi.