Isa 40 | ZomZIV | STEP | Hehnem un, ka mite hehnem un, note Pasian in hong ci hi.

Isaiah 40

Pasian’ Mite Hehnepna

1 Hehnem un, ka mite hehnem un, ^a
note Pasian in hong ci hi.
2 Jerusalem tungah awnemin gen unla
ama tungah tangko un.
Ama nasep haksapi kimansiang ta a, ^b
a mawhna thaman kipia khin hi;
amah in TOPA khut panin ngah a,
a mawhnate khempeuh a zah nihin kithuk hi. ^c
3 Aw khat in:
“Sehnel-gam ah
TOPA ^{▼▼40.3 Ahikeh Sehnel-gam sungah aw khat in “TOPA} pai nading lampi sial un, ^e
gampalak ah
Pasian ^{▼▼40.3 Hebrew; Septuagint ah Eite Pasian lampite} adingin lam lianpi na tangsak un.
4 Kuam thuk peuhmah kivukdim dinga,
muallian le mualneute peuhmah a kiniamsak ding hi;
lei puamna munte kimaihtam dinga
lei phok munte kitamsak ding hi. ^g
5 Tua ciangin TOPA minthanna kilaak dinga,
mihing khempeuh in a mu ding uh hi.

Ahang in, TOPA kam in a gensa ahi hi.
6 Aw khat in, “Kiko in,” hong ci hi.
Tuateh, “Bang kiko ding ka hiam?” ka ci hi.
“Mi khempeuh lopa tawh kibang a, ^h
amau minthanna khempeuh gamlak pak tawh kibang hi.
7 TOPA huu in amaute mut ahi manin
lopate vulin pakte a pulh hi. ⁱ
Mite lopa hi takpi hi.
8 Lopate vulin pakte a pulh hi,
ahi hangin eite Pasian kammal kip tawntung hi,” hong ci hi. ^j
9 No Zion a thuhoih puakte aw, ^k
mualsang tungah kahto un.
No Jerusalem ^{▼▼40.9 Ahikeh Thuphate a puakpa Zion aw. / mualsang tung khatah kah to in/ Thuphate a puakpa Jerusalem aw} a thupha puakte aw,
na aw uh sangsak unla awng un,
sangsak un, lau kei un;
Judah khuapite tungah,
“Note Pasian hiah om hi,” ci un. ^m
10 En un, a Lianpen TOPA vanglian-in hong pai-a, ⁿ
a bante in ama adingin a uk hi.
En un, a pahtakman hong kenga
a lohkikna hong keng hi.
11 Tuucingpa bangin a tuuhonte vaka, ^o
tuunote a ang sungah khawmin ^p
amaute dawm mahmah in pua dinga; ^q
a no neite damdamin a masuan hiathiat ding hi. ^r
12 Kua in a khutkuakin tuite teh a, ^s
vante a zapekin ciamteh ahi hiam? ^t
Kua in leitung leivui lawh ah guangin
mualliante a tehna-in khai a,
mualneute tawi teh ahi hiam?
13 Kua in TOPA’ lungsim ^{▼▼40.13 Ahikeh Kha ahikeh kha} theitel a,
ahikeh thulakpa bangin amah lamlak ahi hiam? ^v
14 TOPA in amah a phawksak dingin kua donga,
kua in lammaan hilh ahi hiam? ^w
Theihna a hilh ahikeh theihtelna lampi
a lak kua ahi hiam? ^x
15 Hitakpi hi, minamte beelkhai khat sunga tuimal khat tawh kibang lel a,
tawikhaina tunga leivui baang tawh kibang lel hi; ^y
amah in tuikulhte leivui them bangin a dom lel hi. ^z
16 Biakna-tau ah mei-a cih dingin Lebanon kicing zo lo,
meihal biakna dingin a ganhingte a kicing zo kei hi. ^aa
17 Minamte khempeuh ama mai-ah bangmah hi lo uh a, ^ab
amah in bangmah a hi lo sanga man nei lozaw in
a ngaihsun hi. ^ac
18 Tua ahileh nang in Pasian le kua tehkak ding na hi hiam? ^ad
Bang lim tawh amah enkak ding na hi hiam? ^ae
19 A kibawltawm milim ahileh
khutsiam khat in sunga kham seekpa in
khamtui luanin a zepna sikkhainiangte a sunsak hi. ^af
20 Mizawng mahmahte in tua banga a piak dingun
a muat lo ding sing a tel uh hi.
A kilok lo milim khat a phuhsak dingin
khutsiam mi khat a zong hi. ^ag
21 Thei nai lo na hi uh hiam?
Za nai lo na hi uh hiam?
Atung-a kipan hong kigen lo ahi hiam? ^ah
Leitung a kiphuh khit nungsang theitel pah lo na hi uh hiam? ^ai
22 Amah leitung kimvel tungsana tupa hi a,
leitunga mite kauphe tawh a kibang hi. ^aj
Amah in vante, tungzakpuan bangin zala, ^ak
ten nading puanbuk bangin a zal hi. ^al
23 Amah in kumpite bangmah lo suaksak a,
hih leitung gam-ukte bangmah lo dongin a kiasak hi.
24 Amaute a gina-in kisuan khinphet,
amaute a gina-in kivawh khitphet,
amau in lei sungah zung kha khinphetin
amah in mutin vul uh a, ^am
ansi bangin pingpei in lenmang hi.
25 “Kei kua tawh hong teh ding na hi uh hiam? ^an
Ahikeh kei kua tawh kikim ka hi hiam?” Siangtho Pa in ci hi. ^ao
26 Dakto unla vante en dih un. ^ap
Hihte khempeuh kua piansak ahi hiam?
Amah in aksi honpite khatkhatin suaksak a, ^aq
a min ciatun a sam hi.
Ama vangliatna le thahatna hangin
amaute khat beek a mangthang kei hi. ^ar
27 Jacob aw, bang hangin,
“TOPA panin ka lampi kisel a,
ka Pasian in ka thu don lo hi,” ci a, ^as
Israel aw, bang hangin mawhsak na hi hiam?
28 Thei nai lo na hi uh hiam?
Za nai lo na hi uh hiam?
TOPA pen tawntung Pasian hi a, ^at
leimongte Piangsakpa ahi hi. ^au
Amah gim loin tawl lo dinga ^av
ama theihtelna kuamah in a lamteh thei kei ding hi. ^aw
29 A gimte tha guana
a thanemte’ vangliatna a khangsak hi.
30 Khangnote nangawn gimin tawl uh a,
khanglaite muktu in a puk uh hi; ^ax
31 ahi hangin TOPA tungah lametna
a neite a tha uh a dim kik ding hi. ^ay
Amaute muvanlai bangin a kha un lengto ding uh hi; ^az
tai ding uh a, gim lo ding uh hi,
lampai ding uh a, a bah kei ding uh hi. ^ba